Video
Read full review
2011-06-03
174 views
因為我朋友有優惠, 所以帶我去見識下新開既RED MR. 估唔到, 佢個位同以前既一間KARAOKE係一樣既. 而且, 個窗景都係一樣既. (個位同, 其實都好難唔一樣景, 不過可能佢既窗都係咁大, 無加D乜上去.) 個景如果日頭去, 可能見到海景, 而且又有D球場景. 仲有DD天空望下, 都幾靚架.不過, 我地係夜晚去, 乜都睇得唔清楚, 仲要樓下開哂燈(搭左個架, 唔知搞乜野FUNCTION), 咁就更加睇唔清楚對面海既景色, 可惜~ 不過好彩, 最尾樓下熄左燈, 發覺係果度唱K, 個FEEL既浪漫架~ 因為個窗真係幾大, 望出去, 一片天空, 幾ROMANTIC! ******************************香港男歌手第一頁係佢地. 睇左頭幾頁, 唔覺有則田...香港女歌手第一頁係佢地. 無衛蘭/泳兒/王苑之, 係我搵唔到(唔係頭幾頁, 我就唔會搵落去), 定係無?(可能間KARAOKE仲新, 所以有D野要比D客選擇得多, 先放係第一二頁啦.)(不過, 佢有好多泰國歌, KOREAN歌, 新加坡就只得一個男歌手, 好似仲有唔少其他國家既歌, (馬來歌?), 可能個
因為我朋友有優惠, 所以帶我去見識下新開既RED MR. 估唔到, 佢個位同以前既一間KARAOKE係一樣既. 而且, 個窗景都係一樣既. (個位同, 其實都好難唔一樣景, 不過可能佢既窗都係咁大, 無加D乜上去.)
個景如果日頭去, 可能見到海景, 而且又有D球場景. 仲有DD天空望下, 都幾靚架.
不過, 我地係夜晚去, 乜都睇得唔清楚, 仲要樓下開哂燈(搭左個架, 唔知搞乜野FUNCTION), 咁就更加睇唔清楚對面海既景色, 可惜~ 不過好彩, 最尾樓下熄左燈, 發覺係果度唱K, 個FEEL既浪漫架~ 因為個窗真係幾大, 望出去, 一片天空, 幾ROMANTIC!
******************************
香港男歌手第一頁係佢地. 睇左頭幾頁, 唔覺有則田...
香港女歌手第一頁係佢地. 無衛蘭/泳兒/王苑之, 係我搵唔到(唔係頭幾頁, 我就唔會搵落去), 定係無?(可能間KARAOKE仲新, 所以有D野要比D客選擇得多, 先放係第一二頁啦.)
(不過, 佢有好多泰國歌, KOREAN歌, 新加坡就只得一個男歌手, 好似仲有唔少其他國家既歌, (馬來歌?), 可能個位近外傭聚腳地, 特登入多D比佢地黎唱?)
******************************
有3個鐘唱~不過, 佢真係搭正11:30, 岩岩好係張單上面既時間CUT歌, 只係比我地當時仲唱緊果首歌播埋, 個LIST度仲有一首未播之麻, 都無得唱埋, (唱開D KARAOKE都可以比多30分鐘, 好運既話可以仲多D), 所以好唔慣.
因為係優惠黎, 所以我地2個人都會當係3個人, 唔係好明白. 總之, 2個人唱3個鐘食左3樣小食叫左3杯野飲, 後尾好似要$600幾蚊.
我估間KARAOKE係當左3個人黎? 仍然唔明白.
******************************
有依D野食選擇, 不過我想叫果2樣都無, 就係汁燒牛柳同牛油燒番薯. 後尾唯有叫番碟CHICKEN WINGS. 我個朋友叫既原條栗米, 好彩有.
黎左: 3個半條既栗米, 2隻雞中翅, 1支串燒.樣樣野都幾好食, 不過我朋友覺得D CHICKEN WINGS乾左D, 佢鐘意D串燒多D, 係囉, 點解會飛左D串燒出黎? 唔知點解, 佢地會比串燒我地, 個MENU都無得選擇依樣野既野食會無情情出現既? 不過, 我個朋友鐘意食, 就算啦. (可能當果1條串燒係原本第3樣野食)
而我就鐘意個栗米多D, 因為個牛油夠正, 好香好好味既牛油, 襯BOILED既粟米, 就最岩架啦. 佢地D牛油應該係自己特製既, 真係好香好香, 唔知加左D乜入去.
******************************
都好多野飲選擇. 反正, 我地又唔飲酒, 而且個優惠包既野飲係無酒精既飲品, 所以, 我同我朋友都無乜點睇依個DRINK LIST. 我地係聽個服務生講解, 就點左一凍一熱既心蜜.
我飲凍心蜜. 同出面D餐廳或者KARAOKE既差唔多味.唔知係咪哩? 好似比出面既大杯少少.
我朋友飲熱心蜜. 有D人參條(?)係個水面飄飄下. 唔知會唔會同我果杯一樣味?
******************************後尾, 食完野, 好口渴, 叫多杯FRUIT PUNCH.
幾靚.
D味都OK. 唔算太甜.******************************
結論:
鐘意佢間K ROOM個窗夠大, 同個景, 仲有D浪漫FEEL.
D野食幾OK. 推介佢地個粟米.
******************************
服務:
唔知點解成日有人入黎想洗個洗手間, 我地又無投訴過? 好奇怪~
******************************
設施:
有獨立洗手間, 個洗手間好乾淨.
間K ROOM D野樣樣都好新, D SOFA又乾淨, 唔會有油/食物響SOFA度.
部搵歌既機反而有好有唔好.
用觸摸式方法係個螢光幕度搵歌, 反而麻煩左, 一定要行埋去(部野係間房既角落既一個牆度). 有搖控就好LU.
不過, 部機好在有個"已唱歌曲"既LIST, 咁唱過邊首, 或者想再唱番一首已經唱過既歌, 就會好易搵. 好似依個LIST我無係其他KARAOKE度見過, 唔知係咪佢獨家有既?
房出面D野, 我無用過, 所以唔清楚.
Post
