CRAVINGS

Open Now

Now Closed

意想不到喺呢個油麻地嘅小街市旁邊有一間質素唔錯嘅中東食物餐廳，除咗咖哩之外仲有我最喜愛嘅土耳其捲肉kebea，我朋友就叫咗咖哩牛肉配印度薄餅，而我就叫咗一份鷹嘴豆土耳其捲餅，我偷咗我朋友個咖哩牛肉同埋印度薄餅試咗一下，味道都幾好。lunch time時間幫襯有碗例湯，我覺得應該叫佢做印度style羅宋湯，入面啲配料都幾新鮮不過就好似䶢咗少少。佢個咖哩牛肉不過香料十足，印度薄餅熱辣辣，一邊閃咖哩汁一邊食好正。鷹嘴豆kebea係一個唔錯嘅素食選擇，有少少辣，鷹嘴豆同入面啲雜菜mix 得幾好食。飲品就叫咗印度拉茶同埋齋啡，每人70蚊又唔貴喎。間餐廳唔係好多位，不過估唔到相對偏僻嘅地方都坐得滿，我估都係因為好食所以吸引到啲人來幫襯。