麺屋武蔵 (MOKO新世紀廣場) (Closed)

出面熱到好似焗爐咁，行兩步已經大汗搭細汗，忍唔住要入番商場涼冷氣。行行下又係晚餐時間，無乜胃口所以決定去麵屋武藏食拉麵，第二次嚟食，menu有唔同左。唔記得個名，新菜式，夏天最適合食沙律。沙律醬酸甜開胃，欣賞用了粟米同蔬菜片，令沙律更有口感。這次選了白武湯骨，豬骨湯香濃，拉麵彈滑，喜歡义燒肉質鮮嫩，配上糖心蛋，一碗拉麵的誕生。男友選了沾汁麵，原來這是最近新興的吃法，麵及麵汁分開，麵汁比一般湯底濃郁，味道更香濃。