Video
Read full review
2024-10-28
53 views
肯德基KFC📍天水圍天瑞路77號天澤商場2樓213A號舖轉天氣朝早有時都樓食返暖胃啲嘅嘢，但又唔想食得太寡、太單調？去KFC就滿足到你嘅要求！皆因佢哋推出咗全新「早！肯粥意」系列，首次喺香港市場帶嚟熱辣辣嘅雞粥。身為粥友同KFC fans，當然要搶先一試最新組合！ 💰$29D2 香蔥家鄉雞粒粥餐 🥣呢個系列有三款粥餐，分別係香蔥雞絲粥、香蔥粟米粥同香蔥家鄉雞粒粥。既然要推介俾大家，當然要揀款最特別、最估佢唔到嘅配搭啦！平時單點家鄉雞粒已經食到lam lam脷，估唔到加落熱雞湯粥底會出奇哋夾！家鄉雞粒撈咗炸過嘅香蔥，整齊哋放喺粥上面，並無全部浸晒粥，保持到香脆嘅口感同炸雞嘅味道。粥底加入雞湯煲煮，口感綿密得嚟仍食到米嘅顆粒感，唔係無米粥嚟，用匙羹搞多幾下都唔會變得水汪汪，味道有啲似白汁雞皇飯，整體比我預期好！食粥必定要配油炸鬼，雖然KFC嘅油炸鬼無一般粥舖咁長咁大，但對比其他連鎖快餐供應嘅油炸鬼，KFC嘅不論口感定味道都略勝一籌，外皮香脆，內裏軟熟，唔會油淋淋，單食或配粥都同樣滋味。特濃鮮豆漿 🥛 (套餐 +$5升級)以非基因改造黃豆製成嘅特濃鮮豆漿，比一般豆漿嘅營養價值高，豆味香濃，
📍天水圍天瑞路77號天澤商場2樓213A號舖
轉天氣朝早有時都樓食返暖胃啲嘅嘢，但又唔想食得太寡、太單調？去KFC就滿足到你嘅要求！皆因佢哋推出咗全新「早！肯粥意」系列，首次喺香港市場帶嚟熱辣辣嘅雞粥。身為粥友同KFC fans，當然要搶先一試最新組合！
[價錢 Price] 💰$29
D2 香蔥家鄉雞粒粥餐 🥣
呢個系列有三款粥餐，分別係香蔥雞絲粥、香蔥粟米粥同香蔥家鄉雞粒粥。既然要推介俾大家，當然要揀款最特別、最估佢唔到嘅配搭啦！平時單點家鄉雞粒已經食到lam lam脷，估唔到加落熱雞湯粥底會出奇哋夾！
家鄉雞粒撈咗炸過嘅香蔥，整齊哋放喺粥上面，並無全部浸晒粥，保持到香脆嘅口感同炸雞嘅味道。粥底加入雞湯煲煮，口感綿密得嚟仍食到米嘅顆粒感，唔係無米粥嚟，用匙羹搞多幾下都唔會變得水汪汪，味道有啲似白汁雞皇飯，整體比我預期好！
食粥必定要配油炸鬼，雖然KFC嘅油炸鬼無一般粥舖咁長咁大，但對比其他連鎖快餐供應嘅油炸鬼，KFC嘅不論口感定味道都略勝一籌，外皮香脆，內裏軟熟，唔會油淋淋，單食或配粥都同樣滋味。
特濃鮮豆漿 🥛 (套餐 +$5升級)
以非基因改造黃豆製成嘅特濃鮮豆漿，比一般豆漿嘅營養價值高，豆味香濃，無半點豆渣，入口順滑，仲有冷熱兩款供應，正呀！
以下9間分店未有供應，想食粥嘅記得check check先：
亞洲國際博覽館、東廣場、山東街、奧海城、又一城、彩雲、赤柱、海富中心同太安樓
Post
