Video
Read full review
2021-08-29
893 views
周日黎左希慎揾食，本來想去明館，點知勁多人。見到呢間Kikusan唔洗等位，就入去試吓，對上一次黎應該係幾年前。假日都有午市套餐，有十款主菜揀，價錢由$78至$158不等，另收加一。除左主菜之外，價錢包點心小籠或涼拌小碟，同熱柚子檸檬蜜，咖啡，或烏龍茶，轉凍飲加$5。炭燒牛肉配飯 $158 另加一炭燒牛肉配飯有一大塊少少薄嘅牛肉切開左八小塊左右，燒到半生熟，食落都算稔，亦有炭燒味，質素唔錯。不過伴碟連沙律都冇，差啲喎。跟牛肉有一大碗白飯同一兜燒肉汁。塊牛肉質素妣美隔離千両幾舊水嘅一塊牛。千層豬扒擔擔拉麵 $98 另加一千層豬扒一開四件，唔多大塊，居然唔係另上，而係浸住湯咁上，好唔專業。好彩即食都食到脆皮，入面係三塊豬肉片夾埋一齊，味道都可以。擔擔麵都有少少咬口。湯底叫左走辣，個人覺得麻醬同花生醬唔夠濃，配料都有少少豬肉碎嘅，仲有碎花生，蔥花同白芝麻粒。點心小籠係豚肉小籠包1件同菠菜皮蝦餃1件。質素同散叫一樣，唔錯。飲品叫左兩杯少甜嘅熱柚子檸檬蜜，好彩係少甜，甜度啱啱好，啲柚子皮都食得，唔錯。主餐牌有點心，串燒，小肴，飯麵同甜品。已經冇左我最愛嘅Kikusan卷，其他日式刺身壽司類都冇哂
假日都有午市套餐，有十款主菜揀，價錢由$78至$158不等，另收加一。除左主菜之外，價錢包點心小籠或涼拌小碟，同熱柚子檸檬蜜，咖啡，或烏龍茶，轉凍飲加$5。
炭燒牛肉配飯
$158
21 views
0 likes
0 comments
炭燒牛肉配飯 $158 另加一
炭燒牛肉配飯
$158
29 views
1 likes
0 comments
炭燒牛肉配飯有一大塊少少薄嘅牛肉切開左八小塊左右，燒到半生熟，食落都算稔，亦有炭燒味，質素唔錯。不過伴碟連沙律都冇，差啲喎。跟牛肉有一大碗白飯同一兜燒肉汁。塊牛肉質素妣美隔離千両幾舊水嘅一塊牛。
千層豬扒擔擔拉麵
$98
12 views
0 likes
0 comments
千層豬扒擔擔拉麵 $98 另加一
千層豬扒一開四件，唔多大塊，居然唔係另上，而係浸住湯咁上，好唔專業。好彩即食都食到脆皮，入面係三塊豬肉片夾埋一齊，味道都可以。擔擔麵都有少少咬口。湯底叫左走辣，個人覺得麻醬同花生醬唔夠濃，配料都有少少豬肉碎嘅，仲有碎花生，蔥花同白芝麻粒。
點心小籠
14 views
0 likes
0 comments
點心小籠係豚肉小籠包1件同菠菜皮蝦餃1件。質素同散叫一樣，唔錯。
熱柚子檸檬蜜
26 views
0 likes
0 comments
飲品叫左兩杯少甜嘅熱柚子檸檬蜜，好彩係少甜，甜度啱啱好，啲柚子皮都食得，唔錯。
主餐牌有點心，串燒，小肴，飯麵同甜品。已經冇左我最愛嘅Kikusan卷，其他日式刺身壽司類都冇哂。
豚肉小籠包 $52 另加一
豚肉小籠包
$52
8 views
0 likes
0 comments
豚肉小籠包一客四件，個蒸籠同之前係一樣嘅，質素都係保持到，皮薄多湯而個饀算可以，夾起塊皮唔易穿。另上一隻調味碟加左薑絲俾你再加醋。我哋食完即刻encore多一籠。
菠菜皮蝦餃
$48
5 views
0 likes
0 comments
菠菜皮蝦餃 $48 另加一
菠菜皮蝦餃一客三件，賣相色水幾靚，不過食唔到菠菜味。塊皮少少煙韌唔會太厚，餡都爽口嘅，勉強合格啦。
豚肉燒賣
$42
9 views
0 likes
0 comments
豚肉燒賣 $42 另加一
豚肉燒賣一客兩件，原來一件好大粒。豚肉餡同小籠包嘅係一樣，塊皮好薄，可惜同個饀分開嘅，唔得。我寧願食小籠包。
流沙綠茶包
$38
13 views
0 likes
0 comments
流沙綠茶包 $38 另加一
流沙綠茶包一客兩個。原本想食叉燒包，點知冇貨，唯有叫呢個。果然係流沙餡，好香鹹蛋黃味，而個包的確有綠茶味，都好夾鹹蛋黃。
鹽燒雞肉
$32
9 views
0 likes
0 comments
鹽燒雞肉 $32 另加一
鹽燒雞肉一客一串，可揀鹽燒或者照燒。有三大舊連皮雞肉，中間夾住洋蔥片。好香炭燒味，雞皮係脆嘅，雞肉麻麻哋嫩，調味啱啱好。
沖繩苦瓜炒豚肉
$88
13 views
0 likes
0 comments
沖繩苦瓜炒豚肉 $88 另加一
沖繩苦瓜炒豚肉熱辣辣上枱。可惜豚肉比較韌又炒到乾哂，冇哂豬味。苦瓜片得好少，質素都幾好，唔算苦。成碟主要係炒蛋同豆腐，油淋淋，蛋又唔滑。唔得喎。
松子魚
$138
10 views
0 likes
0 comments
松子魚 $138 另加一
松子魚
$138
9 views
0 likes
0 comments
老老實實，本來見到呢個菜名同個價錢，真係期望有原條魚，點知最後得半條到。不過條魚質素係可以，炸得皮脆肉嫩又唔太辣口，點下底嘅甜酸汁好好味。上面灑上少少松子，仲有一條香菜。
花生黑芝麻驢打滾
$52
12 views
1 likes
0 comments
花生黑芝麻驢打滾 $52 另加一
甜品選擇好少，唯有揀呢個花生黑芝麻驢打滾，等左勁耐先有。一客六小件，整得少少脆脆哋而又煙煙韌韌咁，入面有唔少花生碎同黑芝麻粒，外面仲多，要碌吓黏上多啲更好味，啲花生碎同黑芝麻粒好香又好食但又唔會過甜。剩返嗰啲花生碎同黑芝麻粒連砂糖我哋都清哂。
總括而言，食物質素都有返咁上下，雖然唔係道道菜都ok，識揀就會好啲。座位麻麻哋，我哋四人一枱，張枱唔係好夠放野食。大部份服務員，特別係年輕女侍應，都有禮貌同肯幫手。企門口嗰位男服務員就麻麻。Overall俾個ok。
Post
