kikusan (Closed)

嚟銅鑼灣睇戲前食小小野，咁啱係希慎搵到間裝修得幾靚嘅中日fusion菜😀 餐廳裝修以木系做主調，環境幾大同有幾處開放式廚房，感覺幾grand。點知朋友講呢間係某大連鎖集團旗下嘅餐廳😨 睇唔岀添～ 嚟到kikusan梗係必試kikusan卷，八舊卷物上面舖滿咗吞拿魚海膽同魚子🤤🤤 海膽真係好多又唔腥，側邊啲魚子伴碟幾過癮。價錢唔貴，性價比幾高👍🏻 淨係叫得卷物唔夠飽，所以再叫多咗個燒鰻魚飯。鰻魚好大條，冇刺。略嫌鰻魚汁唔夠😞 同埋冇配菜，如果有蛋絲或者紫菜碎應該會令到成個飯生色啲，宜家有啲太dry。 總體環境好，坐得又舒服，幾適合慢慢傾計又慢慢食。食物賣相好，不過感覺賣相比起食物味道高質好多haha