Video
Read full review
2019-05-19
98 views
旺角樓上cafe出名多，見依間新開冇耐，一於同朋友上去試下，睇下好唔好食先☺️-入到去，舖頭唔算大，但係空間感十足，就算身處係鬧市，都唔會有種好焗促既感覺，雖然係閒日，但係人流都唔少呀。食物方面我地點左1個一人套餐 + 散叫pizza + 1份小食。-首先黎到既係跟餐餐湯，餐湯+$15可以轉配龍蝦湯🦞，但係我地冇轉到。-因為好多小食都想試，所以我地決定嗌個小食併盤，樣樣都有d，咁就可以試哂d小食喇🤭小食併盤入面包左魷魚圈，雞鎚，薯條同彼得包，仲配埋蜜糖芥末醬🍯。薯條係炸薯角，即炸既薯角永遠都係咁好食，酥脆得黎冇油膉味，不過個芥未醬就就冇乜芥未味，甜甜地，都係dim茄汁夾d🤣至於炸雞鎚同彼得包就不過不失，我諗彼得包都係配肉丸會好食d，就咁食有d掛，需要dim汁食。雞鎚上面淋左辣汁，都幾惹味😊不過魷魚圈就麻麻地，應該溝左其他魚肉，好似食緊魚蛋咁，但係唔彈牙，如果佢係原條鮮魷魚圈拎去炸會好食好多🦑-最後就輪到main course 喇☺️ 雀巢手工薄餅同慢煮肉眼扒伴農夫菜。因為係手工薄餅，所以餅底一定係薄身，批邊焗到脆卜卜，帶少少微焦，餡料方面就有水牛芝士，黑松露，野菌，雞蛋🥚，火箭菜，原隻烚蛋
-
入到去，舖頭唔算大，但係空間感十足，就算身處係鬧市，都唔會有種好焗促既感覺，雖然係閒日，但係人流都唔少呀。食物方面我地點左1個一人套餐 + 散叫pizza + 1份小食。
-
首先黎到既係跟餐餐湯，餐湯+$15可以轉配龍蝦湯🦞，但係我地冇轉到。
-
因為好多小食都想試，所以我地決定嗌個小食併盤，樣樣都有d，咁就可以試哂d小食喇🤭
小食併盤入面包左魷魚圈，雞鎚，薯條同彼得包，仲配埋蜜糖芥末醬🍯。薯條係炸薯角，即炸既薯角永遠都係咁好食，酥脆得黎冇油膉味，不過個芥未醬就就冇乜芥未味，甜甜地，都係dim茄汁夾d🤣至於炸雞鎚同彼得包就不過不失，我諗彼得包都係配肉丸會好食d，就咁食有d掛，需要dim汁食。雞鎚上面淋左辣汁，都幾惹味😊不過魷魚圈就麻麻地，應該溝左其他魚肉，好似食緊魚蛋咁，但係唔彈牙，如果佢係原條鮮魷魚圈拎去炸會好食好多🦑
-
最後就輪到main course 喇☺️ 雀巢手工薄餅同慢煮肉眼扒伴農夫菜。
因為係手工薄餅，所以餅底一定係薄身，批邊焗到脆卜卜，帶少少微焦，餡料方面就有水牛芝士，黑松露，野菌，雞蛋🥚，火箭菜，原隻烚蛋放係pizza上面食真係第1次，又幾好食同夾喎，感覺上好健康，食完都冇太大罪惡感🙈黑松露味唔算太突出，反而芝士味重🧀，夠鹹香，一食就食左大半個🤣
肉眼扒🥩雖然唔係太厚身，但係超大塊，仲大過我隻手🖐🏻肉眼扒煎得岩岩好，表面香口，入面就軟淋，同醬汁都幾夾，唔會太醎。側邊既配菜都係重點！兩大舊焗紫薯，仲有係底既牛油果醬🥑，我諗應該係🤔同牛扒一齊食，好好味，食完真係好滿足☺️
-
最後飲埋杯熱既蘋果生薑茶，清清口腔，暖暖胃，咁就岩岩好喇☺️-
一定要講既係，依間餐廳既服務態度好好，有禮貌，見你飲哂水，會幫你斟水👍🏻走既時候，大頭蝦留低左袋衫，侍應即刻追出黎俾返我地，抵讚👍🏻👍🏻👍🏻
-
Menu:
慢煮肉眼扒伴農夫菜套餐($168)
雀巢手工薄餅($148)
小食拼盤($108)
Post
