Video
Read full review
2017-12-05
3821 views
今日新界仔出城，去到堅尼地城搵食，行到去海旁既呢間澳洲過江龍，入面特式就係有自家釀啤酒，絕對可以大飲特飲。就咁睇唔覺，一行入去成間餐廳真係超級大，再行入去原來仲有勁多位，樓底又好高，暗暗地既環境坐落真係幾舒服，望下連個廚房都勁大個。話到明係釀酒舖，當然一定唔止係度飲，仲可以Take Beer Home，將咁好味既酒拎番屋企慢慢飲，而且真係好似澳洲咁即入即封俾你拎走。勁大既自釀酒裝備超專業，你睇下呢啲一個個咁大個既裝備就好似番左去澳洲啲酒廠一樣，全部都可以即時酙酒。一次過試哂六種既《Beer Tasting Paddle》，分别有唔同酒精度苦味同色澤，店員好細心講解，而每隻酒都會有簡介，包括左唔同酒精濃度，仲有埋Pairing，飲之前可以望一望先，飲完揀到自己喜歡既就可以叫大Size，六種酒分別有以下簡介架。第一隻係《Original Pilsner》(ABV4.5%，IBU40，EBC10)，最淺色既一杯，苦味都係最清淡既，較易入口。第二款係《Bright Ale》(ABV4.5%，IBU30，EBC13)，店員話呢杯係Original Pilsner進化版，味道較為Fruity，入味
今日新界仔出城，去到堅尼地城搵食，行到去海旁既呢間澳洲過江龍，入面特式就係有自家釀啤酒，絕對可以大飲特飲。
就咁睇唔覺，一行入去成間餐廳真係超級大，再行入去原來仲有勁多位，樓底又好高，暗暗地既環境坐落真係幾舒服，望下連個廚房都勁大個。
話到明係釀酒舖，當然一定唔止係度飲，仲可以Take Beer Home，將咁好味既酒拎番屋企慢慢飲，而且真係好似澳洲咁即入即封俾你拎走。
勁大既自釀酒裝備超專業，你睇下呢啲一個個咁大個既裝備就好似番左去澳洲啲酒廠一樣，全部都可以即時酙酒。
一次過試哂六種既《Beer Tasting Paddle》，分别有唔同酒精度苦味同色澤，店員好細心講解，而每隻酒都會有簡介，包括左唔同酒精濃度，仲有埋Pairing，飲之前可以望一望先，飲完揀到自己喜歡既就可以叫大Size，六種酒分別有以下簡介架。
第一隻係《Original Pilsner》(ABV4.5%，IBU40，EBC10)，最淺色既一杯，苦味都係最清淡既，較易入口。
第二款係《Bright Ale》(ABV4.5%，IBU30，EBC13)，店員話呢杯係Original Pilsner進化版，味道較為Fruity，入味微苦，但之後就感覺到好清新。
第三款係《Pale Ale》(ABV5.2%，IBU36，EBC20)，呢款係店家自家釀製既單酒，都係呢一度既招牌。濃度較高亦較苦，但係飲落成個感覺會Full-bodied一啲。
第四款係《House Brew》呢一款係合作款，所以會有唔同，飲落苦味幾重，可以入樽拎走既合作款。
第五款《Rogers’ Amber Ale》(ABV3.8%，IBU24，EBC35)，雖然只有3.8%，但係個色係最深色，呢隻係岩女仔飲，會有果香味同埋較為順滑。
最後係《India Pale Ale 》(ABV6.4%，IBU60，EBC25)，酒精濃度最高亦都係苦味最重既一杯。
野食都好有驚喜，《Steamed Mussels》($185)，果啲青口超大隻，真係似澳洲食到咁大隻同味道，白酒味濃之外加上牛油香勁好食，入面仲有香草同腸加埋食。
再有勁厚身既《6OZ Angus Burger》($145)，牛肉唔乾身，麵包微烤過，夾上香口煙肉同芝士好惹味，薯條連好多薯皮，夠熱點埋松露醬更好食。
食完正餐就叫左個甜品《Matcha Panna Cotta》($80)，好香既抹茶味，上面灑上左白朱古力同脆米更有口感。
店名：Little Creatures
地址：西環堅尼地城堅彌地城新海旁2-5A號五福大廈地下1號舖
即刻入去Like & Share埋我地既其他頻道喇
Facebook: KJFOODLIFE
Instagram: KJFOODLIFE
歡迎報料同合作:
Email: kjfoodlife@gmail.com
Mobile: 63525193
餐牌:
Post
