Video
Read full review
2017-11-03
116 views
成日望住個餐牌勁多野左諗右諗要叫咩野食，日本餐廳最好就係有廚師發辦，會揀果日最正最新鮮既，有好野食又岩哂選擇困難症既人。坐完叮叮去銅鑼灣行街之後行過維園，其實係天后站附近就會搵到呢間大大道木門超有日式風既日本餐廳。呢度有卡位亦有Bar位，要望清師傅整最正既野食當然要坐正面前喇，仲有成個櫃既刺身望住真係見到已經好想食喇！餐具都好有日本特色，坐住等緊師傅準備，一路飲住茶一路等下就好快有得食。好專心咁係你面前整壽司，又整緊三杯壽司飯，望住將海膽三文魚籽放上去，成個過程都會睇到哂，就咁整下整下就整左個一人前出黎。先食左大大隻既蝦，一夾起真係勁大隻呀，已經拆好哂殼，加上黑魚子啖啖肉。再黎就係三件壽司，有吞拿同拖羅，最好食當然係拖羅，真係入口就啖啖油脂，壽司飯大小適中，就算無點醬油都好夠味。再食濃味少少既蝦膠流心海膽，一咬開海膽汁流哂出黎，外面係啖啖蟹肉，包住海膽一齊食成個都好鮮，上面海膽有少少咸夾埋超好食。再黎就係望住整左最耐既三杯超靚既三文魚籽加海膽加蔥吞拿喇！三文魚籽超多，每啖飯都可以配黎食，咸咸地既三文魚籽最好就係配埋壽司飯一齊食，再加上中間舖左紫菜就更香。海膽份量都唔少，雖然放耐左先食，
成日望住個餐牌勁多野左諗右諗要叫咩野食，日本餐廳最好就係有廚師發辦，會揀果日最正最新鮮既，有好野食又岩哂選擇困難症既人。坐完叮叮去銅鑼灣行街之後行過維園，其實係天后站附近就會搵到呢間大大道木門超有日式風既日本餐廳。
呢度有卡位亦有Bar位，要望清師傅整最正既野食當然要坐正面前喇，仲有成個櫃既刺身望住真係見到已經好想食喇！
餐具都好有日本特色，坐住等緊師傅準備，一路飲住茶一路等下就好快有得食。
好專心咁係你面前整壽司，又整緊三杯壽司飯，望住將海膽三文魚籽放上去，成個過程都會睇到哂，就咁整下整下就整左個一人前出黎。
先食左大大隻既蝦，一夾起真係勁大隻呀，已經拆好哂殼，加上黑魚子啖啖肉。
再黎就係三件壽司，有吞拿同拖羅，最好食當然係拖羅，真係入口就啖啖油脂，壽司飯大小適中，就算無點醬油都好夠味。
再食濃味少少既蝦膠流心海膽，一咬開海膽汁流哂出黎，外面係啖啖蟹肉，包住海膽一齊食成個都好鮮，上面海膽有少少咸夾埋超好食。
再黎就係望住整左最耐既三杯超靚既三文魚籽加海膽加蔥吞拿喇！
三文魚籽超多，每啖飯都可以配黎食，咸咸地既三文魚籽最好就係配埋壽司飯一齊食，再加上中間舖左紫菜就更香。
海膽份量都唔少，雖然放耐左先食，但食落都好鮮甜。
最有驚喜係呢款蔥吞拿，本身吞拿已經好香，再加上蔥提升左香味，中間又加入左柚子令到成個吞拿更多層次。
食完之後仲會有個熱湯，睇顏色已經覺得好足料，飲落魚味真係超重超鮮甜，入面仲有魚超滑身。
仲有個甜品，雪糕抹茶味超香濃，加上甜甜既紅豆超夾。呢度服務真係好好，侍應一見我地飲茶咁上下就不停咁黎Refill真係好用心。
店名：鮨豊
地址：天后琉璃街4號地下
餐牌:
Post
