Video
Read full review
2018-03-15
1033 views
你有壓力我有壓力，放工去Times Square鬆一鬆既好地方，有成7000呎地方夠哂大，大大個酒吧台可以飲下酒又有唔同國家既生蠔食。呢間餐廳其實係LUBUDS旗下既一間餐廳，LUBUDS既餐飲業不嬲都有番咁上下，今次將Albergue 1601帶到黎香港插旗質素都唔差得去邊。一入門口就聞到咖啡香，一部超Sharp醒既白色咖啡機，上面排排既咖啡杯，千挑細選之下揀左陳豪咖啡團隊Blooms Roastery& Craft Tea烘焙既咖啡豆質素有保證。成7000呎地方真係好大間餐廳，座位隔得都幾開坐得好舒服，幾個區域用上左唔同既設計，但係成個感覺都好grand好有特色。仲有唔少作品展覽出黎，其中有好多係香港街景或者係一啲有特色既風景，令到人除左追求現在之外，都會珍惜一啲就黎失去既特式。仲有勁大露台位，最岩三五知己摸下酒杯底，係呢個咁繁華既鬧市底下，雖然俾高樓大廈圍住，但可以夜晚出黎吹下風飲下酒都好舒服。既然飲得酒當然唔會少得酒櫃喇，餐廳有兩個大酒櫃，完全係可以用金光閃閃黎形容，入面放左好多唔同既酒真係壯觀。無論係酒吧台定係廚房都係Open Kitchen，一入去最搶眼一定係個吧台，真係超
你有壓力我有壓力，放工去Times Square鬆一鬆既好地方，有成7000呎地方夠哂大，大大個酒吧台可以飲下酒又有唔同國家既生蠔食。
呢間餐廳其實係LUBUDS旗下既一間餐廳，LUBUDS既餐飲業不嬲都有番咁上下，今次將Albergue 1601帶到黎香港插旗質素都唔差得去邊。
一入門口就聞到咖啡香，一部超Sharp醒既白色咖啡機，上面排排既咖啡杯，千挑細選之下揀左陳豪咖啡團隊Blooms Roastery& Craft Tea烘焙既咖啡豆質素有保證。
成7000呎地方真係好大間餐廳，座位隔得都幾開坐得好舒服，幾個區域用上左唔同既設計，但係成個感覺都好grand好有特色。
仲有唔少作品展覽出黎，其中有好多係香港街景或者係一啲有特色既風景，令到人除左追求現在之外，都會珍惜一啲就黎失去既特式。
仲有勁大露台位，最岩三五知己摸下酒杯底，係呢個咁繁華既鬧市底下，雖然俾高樓大廈圍住，但可以夜晚出黎吹下風飲下酒都好舒服。
既然飲得酒當然唔會少得酒櫃喇，餐廳有兩個大酒櫃，完全係可以用金光閃閃黎形容，入面放左好多唔同既酒真係壯觀。
無論係酒吧台定係廚房都係Open Kitchen，一入去最搶眼一定係個吧台，真係超搶眼又超靚，暗暗地既環境加上燈光，飲酒既好地方。
餐廳另一樣搶眼既就係呢個長長既生蠔台，有勁多唔同國家黎既生蠔，其實用七百幾蚊就可以食哂16隻唔同既生蠔，平均都係48蚊隻好抵玩。
前菜係《蟹肉墨魚子火箭菜沙律》($178)，最欣賞係用左雪凍既碟上菜，下面滿滿既蟹肉夾埋爽口既墨魚子，放上脆脆既多士一齊食。
先黎杯好有特色既《渡鴉》($68)，個杯真係鳥形加塊黑羽毛配合主題，入面有黑莓檸檬汁紫糖醬伯爵茶，飲落味道酸酸甜甜。
另一份《黑松露野菌薄餅》($188)，未見其樣先聞其味，黑松露激香仲舖滿哂野菌，餅底夠薄夠脆仲勁大份。
主菜叫左《虎蝦帶子意大利飯》($228)，虎蝦已去殻燒香夠新鮮，意大利飯正宗外軟内有咬口，加上兩粒煎香帶子惹味。
店名：Club Albergue 1601地址：銅鑼灣勿地臣街1號時代廣場食通天11樓1105號舖
餐牌:
Post
