Video
Read full review
2017-12-19
648 views
唔搵過都唔知原來銅鑼灣角落有呢間Cafe，店舖位係Neway附近，真係要搵過先見到，坐低店員都好親切介紹有咩好食要加分。用上左全塊既落地玻璃，玻璃上面畫左好靚既圖案，好似一入門口就見到既Welcome字樣，的確要花好多心機先畫到。店舖用上木系裝修幾有型，尤其係牆上面呢排水管設計，工業風得黎又有啲復古，臨近聖誕仲掛左好多唔同既波波同埋放左個聖誕老人。坐低先叫左兩杯飲品，《Fifty Fifty》($48)，一半Black Coffe一半Choco，有咖啡甘苦味又有可可既甘香好飲。十二月推介食肉獸必叫《乳豬漢堡》($168)，真係諗都未諗過用乳豬取代包，疊起上黎真係好大個，面頭隻乳豬勁大隻，中間仲有大大塊牛肉。乳豬油脂足肉質都好嫩，同埋個皮真係超脆，中間夾上幾塊蕃茄同青瓜中和一下，仲有一大塊自家製激厚牛肉，真係滿足食肉獸。泰西式混合《冬蔭公海鮮意大利麵》($128)，意粉炒到帶有微辣味好惹味，唔會太濕之外加上少少油份好開胃，加上冬蔭公香料估唔到幾夾。食太多濃味野叫個小清新《牛油果蘆筍沙律》($88)，牛油果切到超靚，蘆筍較生，沙律菜都好新鮮，而個黑醋汁值得一讚。每日都會有啲唔同甜品，《Ti
唔搵過都唔知原來銅鑼灣角落有呢間Cafe，店舖位係Neway附近，真係要搵過先見到，坐低店員都好親切介紹有咩好食要加分。
用上左全塊既落地玻璃，玻璃上面畫左好靚既圖案，好似一入門口就見到既Welcome字樣，的確要花好多心機先畫到。
店舖用上木系裝修幾有型，尤其係牆上面呢排水管設計，工業風得黎又有啲復古，臨近聖誕仲掛左好多唔同既波波同埋放左個聖誕老人。
坐低先叫左兩杯飲品，《Fifty Fifty》($48)，一半Black Coffe一半Choco，有咖啡甘苦味又有可可既甘香好飲。
十二月推介食肉獸必叫《乳豬漢堡》($168)，真係諗都未諗過用乳豬取代包，疊起上黎真係好大個，面頭隻乳豬勁大隻，中間仲有大大塊牛肉。
乳豬油脂足肉質都好嫩，同埋個皮真係超脆，中間夾上幾塊蕃茄同青瓜中和一下，仲有一大塊自家製激厚牛肉，真係滿足食肉獸。
泰西式混合《冬蔭公海鮮意大利麵》($128)，意粉炒到帶有微辣味好惹味，唔會太濕之外加上少少油份好開胃，加上冬蔭公香料估唔到幾夾。
食太多濃味野叫個小清新《牛油果蘆筍沙律》($88)，牛油果切到超靚，蘆筍較生，沙律菜都好新鮮，而個黑醋汁值得一讚。
每日都會有啲唔同甜品，《Tiramisu》中間打得好香滑，上面加上左咖啡粉，個擺碟都好靚。
店名：Beanswork
地址：銅鑼灣怡和街23號樂聲大廈1C-1D號舖
餐牌:
Post
