Video
Read full review
2010-05-08
15 views
1976就開店，理論上應該好識做生意至係，不過呢... 我強烈建議唔夠四個人真係唔好去呢度食野，因為即使你老早訂左枱，兩三個人都係要同其他人搭枱，反而四至六個人就可以有大堂窗口位，大家都係訂枱都有唔同待遇。聽講午市無四個人以上係無得訂枱o既，晚市兩個人都要睇情況先訂到，老實講，如果住得近近地真係無所謂，大老遠過去食就無謂喇，唔值。 必須一提o既係，黎呢度真係要好錫爐燒，事關鐵板只能換一次，再換就要加錢。每個客都會有杯茶上，refill 算快，但係人頭價唔包任飲，另叫就每jar 計錢。任食時間只有個半鐘。 基本上呢度食物質素幾高(調味有問題，時淡時鹹，不過唔覺有味精，可能因為我無飲湯)，肉食主要係牛同豬，因為可以揀o既動物身體部份比較多，如果單單講肉食種類，大概係豬、牛、羊、鴨同雞，海觧方面有螺肉、魚柳、青口、蝦(仲識郁好新鮮)、鯖魚、秋刀魚、多春魚、魷魚同墨魚仔。比較推薦係金菇牛肉卷，佢裡面包埋蔥，幾好食。其他肉食並無發現變質情況，但落味都幾重，野食燒完可能要過水。 其他目測到o既食物：泡菜多款、涼粉、豬腳薑(韓燒喎?!!!!)、人蔘雞湯、啫喱、香菇(應該係生，可燒)、薯仔沙
必須一提o既係，黎呢度真係要好錫爐燒，事關鐵板只能換一次，再換就要加錢。每個客都會有杯茶上，refill 算快，但係人頭價唔包任飲，另叫就每jar 計錢。任食時間只有個半鐘。
基本上呢度食物質素幾高(調味有問題，時淡時鹹，不過唔覺有味精，可能因為我無飲湯)，肉食主要係牛同豬，因為可以揀o既動物身體部份比較多，如果單單講肉食種類，大概係豬、牛、羊、鴨同雞，海觧方面有螺肉、魚柳、青口、蝦(仲識郁好新鮮)、鯖魚、秋刀魚、多春魚、魷魚同墨魚仔。比較推薦係金菇牛肉卷，佢裡面包埋蔥，幾好食。其他肉食並無發現變質情況，但落味都幾重，野食燒完可能要過水。
其他目測到o既食物：泡菜多款、涼粉、豬腳薑(韓燒喎?!!!!)、人蔘雞湯、啫喱、香菇(應該係生，可燒)、薯仔沙律、南瓜西米糖水、餐湯(雞粉色唔知咩湯)、炸餃子、卷物。
至於呢度o既服務，個人認為除左安排座位有問題之外，收碟、通風同侍應態度都好好。據我目測觀察，四人以上o既餐枱坐得都幾鬆，但係搭枱就非常逼，無心理準備o既兩三人約會絕對唔適合呢度。
另外回應樓下有人話間舖離地鐵站好遠o既問題，我想講無論由炮台山站定係北角站過去，十五分鐘係必到，google 提供時間亦不多於十分鐘，遠唔遠就請大家自己判斷，我唔多講喇。
總括而言，韓燒任食有呢種食物質素真係少有，話佢味重，比佢重o既店家多的是。但係連埋加一要$141一位食個半鐘係咪值呢？我覺得唔值囉，尤其係我老遠跨區搭船過去，加埋車費非常貴，更加唔好講呢度靠訂枱黎做生意，客人要非常準時拎枱同交枱，根本食唔到D乜野(開大個火可以燒好多野，但會出現好多鑊撈，而鐵板又只能換一次，變相要慢慢燒)。
Post