Dodam Chicken (1亞太中心) (Closed)

係韓國嘅時候，其中一個目標係食曬所有雞，但炸雞店有足足36000間，係短短兩個月，咁當然唔得。但諗諗係香港嘅過江龍就有可能，今日就食Dodam chicken。環境好闊落，同一般韓式炸雞譜一樣播住K-Pop，電視做SBS the show，有1秒回到韓國嘅感覺。環境裝修走西式路線，BFF仲話似Pizza店多過炸雞店。雞全部都係雞。除咗炸雞，仲有烤雞、鐵板雞等等。同BFF點咗蜂蜜牛油香蒜焗烤雞。蜂蜜牛油醬勁好味，每件雞都沾滿蜂蜜嘅甜、牛油嘅香。雞本身脆口，外脆內軟，大大啖咬係有肉汁。貪心嘅我地仲叫咗Half Half pizza，一半係Margherita，另一半係Black truffle & mushroom，天生一對，都係有蕃茄醬做Base。夾得黎大家特質上有唔同。Rita緊係鍾意Margherita，食落去好清新，有爆汁小蕃茄。羅勒不多不少，點綴一下蕃茄醬。Black truffle & mushroom有蘑菇，口感比較豐富。今次食完都Dodam chicken，又黎食香港炸雞呢個短期目標邁進一步。