豪門小菜火鍋

Open Now

Now Closed

忍唔住，第一次寫，因為唔想有人中伏！見網上啲評語咁好，咁多人介紹，就諗住同屋企人去試吓，4個大人2個小朋友食咗$2000幾🤑我哋嗌咗：🤮最熱門嘅芝士龍蝦伊麵，芝士醬好杰，好多粉，個伊麵底撈唔散成pat野，龍蝦得少少，要成$450🤢然後話係另一個推介椒鹽通菜，就係yam咗炸漿嘅通菜莖，真係唔識欣賞，個漿又厚，就咁食炒通菜會開心啲。😵‍💫黃金炸豆腐，當你以為炸豆腐應該係外脆內嫩嘅時候，佢竟然係用煎釀三寶嗰種豆腐即係硬豆腐嚟炸，成件事乾曾曾，一啲都唔滑。☹️油浸筍殼魚，唉，炸得唔脆，overcooked 左條魚，魚無味，個豉油都無味。😅豆醬雞，個味唔錯，肉都滑，好食只不過當日隻雞肥到hihi。👍🏼蠔仔粥，成晚覺得最好食嘅，足料，蠔仔大大粒，個湯底都好味。