釣魚船屋 (Closed)

响網上見到蘋果篇「放蛇」報導，真係對釣魚船屋起左戒心，但我不入地獄誰入地獄？遂決定以身犯險，一嘗穩坐釣魚船的滋味。由於漁獲多少未卜，為免「打龜」咁失威，我地先行order幾個套餐和小食。釣魚船屋極上壽司十五貫（$258）手握壽司十分出色，十五貫件件不同，件件都有水準，其中有海膽軍艦、三文魚子軍艦等貴價貨，對得住個價錢。日式照燒安格斯西冷牛扒（$148）及蝦天婦羅烏冬（$98）呢兩個套餐味道中規中矩，沒有什麼驚喜，但份量十足，作為釣魚節目的「配角」絕對勝任有餘。活龍蝦刺身（$1600）新張期內所有活魚七折龍蝦八折，大大隻龍蝦「任釣唔嬲」，衡量過價錢尙算合理，人一世物一世，幾歹都要活捉龍蝦作刺身做「主角」。我地用蝦毛作餌，兩三下手腳就釣到大龍蝦，頓時鼓聲雷動，引來全場豔羡目光。龍蝦Sashimi無需額外收費，刺身鮮甜爽脆真係非試不可；而龍蝦麵豉湯加功費每碗$30，同樣鮮甜味美絕對值回票價。今次「保衛釣魚船」活動，真係要為釣魚船屋作大平反。曾去過日本福岡的釣魚船屋餐廳，發覺兩者其實十分近似，家陣唔洗坐飛機都可以嘗試獨特的體驗，釣魚亦是一個不錯的親子活動，絕對值得推介。