釣魚船屋 (Closed)

每晚返觀塘studio都會叫外賣，諗住做野咁辛苦食下好野對自己好啲，叫左個$228既特上雜錦魚生丼，見個圖都幾吸引，個圖就有牡丹蝦、三文魚、油甘魚、吞拿魚、鱆紅魚、帶子每樣兩片、仲有海膽同三文魚籽，諗住收得呢個價錢就算圖片只供參考都唔會差得去邊點知....睇圖！！牡丹蝦變左 甜 蝦 兩 隻，原本魚生每樣厚切兩片變 薄 切 一 片仲要比最平價既熟蝦、北寄貝、䲞魚、三文魚、吞拿魚油甘魚都無埋！！一半位置都係薑仲要啲飯爛到好似bb飯仔咁真心比錢買難受。啲好評真心假，都係出錢買廣告千祈咪信啲食評！！！有眼你睇，好評都係啲靚食材，刺身厚切....如果你信就會變左比好似我呢種貨仔

好耐冇去日本旅行……父親節晚飯想有置身日本感覺，揀左全港首間設有室內釣魚場的居酒屋 【釣魚船屋】。父親節所以分兩輪時間，而且先付$100 按金。小編付款後才發現記錯父親節日子，幸好店方幫小编改日子。 甫進餐廳見到放滿各式各樣新鮮海產的漁缸 ，龍蝦、蟹、鮑魚、蜆……好豐富好新鮮！店中到有艘大木船，原來船上是用餐區，不過已經 fully booked。居酒屋內設兩個海水魚池，一個釣蝦、一個釣魚。客人可以即席釣魚釣蝦來吃，再自行決定烹煮的方式，甚有日本居酒屋風味。 場內裝修以日式和風為設計主題，簡單舒服，還設有榻榻米座位，打開門就可以釣蝦，非常方便又高私隱度。可惜我們沒有被安排坐在廂房內。雖然沒有房坐，小編被安排坐在釣蝦池邊，叫做滿足了小公主。店方推介這個【父親節套餐 $1988 】，整個黑板寫滿菜單，好似好豐富，有 ABCDE ，每個項目都要揀，心理上覺得好抵！就要呢個套餐！$1988 套餐已經包括釣魚/釣蝦費用，一早打算小公主不會釣到任何魚，旁邊釣魚的客人釣了很久也沒有釣到魚，怎料到有條傻魚好快上釣！雖然好開心，但太快小公主冇得再釣 …… 幸好店方再給小公主魚干釣蝦玩下。轉眼間店方沒有次

餐廳環境不佳，食物質素一般， 收費十分離地。初初入到餐廳， 發覺燈光昏暗， 要求換位靠魚池釣蝦釣魚， 卻諸多推搪， 本人原是訂位的。如果想過去釣魚釣蝦， 請不要去這間餐廳， 只會浪費時間，浪費心機。

呢間岩岩開果時好多人去，好多好評，熱潮過左，見佢出左放題就去試試佢睇落個放題餐牌都幾多野食，本身都預放題價錢質素唔會好好，但食落發現係🤦🏻‍♀️.佐酒前菜：十樣有九樣都黎貨所以唔多講啦，不過中華海蜇真係太咸.壽司：正常，但鵝肝唔熟.炸物&串燒：正常，係炸得黑左少少同燒得硬左少少🤏🏻.刺身：厚到嚇死人，全部都成舊磚咁，帆立貝都原粒上，可能係特色？係刺身唔洗錢？定係換左新師傅😅後尾叫員工比把餐刀我，我自己切細佢，佢地話危險唔可以比刀客人，拎返入廚房幫我地切多下，結果變左下圖，中間切一刀🤦🏻‍♀️環境：分左2邊，一邊係散叫區，可以釣魚釣蝦，一邊係放題區，超黑，我去果日得2台客放題質素黎講，唔建議食呢間，黎呢間一定要散叫區食😉

𝒥𝒶𝓅𝒶𝓃𝑒𝓈𝑒 𝑅𝑒𝓈𝓉𝒶𝓊𝓇𝒶𝓃𝓉 𝒾𝓃 𝒦𝓌𝓊𝓃 𝒯𝑜𝓃𝑔第一次黎呢道食lunch,叫左2個sets• 船屋特上壽司六貫配迷你魚生飯 🍱$𝟷𝟸𝟾•呢個有口感，但食完都唔知邊樣打邊樣😆 食完6 件🍣唔夠飽仲有細細碗飯 配埋啱啱好呀！蟹肉 🦀 蟹子魚生飯 👍🏻-• 慢煮厚切叉燒昆布湯拉麵 🍜 $𝟽𝟾 •有得揀昆布湯底 ， 豬骨湯同咖哩湯 。 昆布湯一ᴅ都唔ʜᴇᴀᴠʏ， 另外仲配有salad🥬幾好味 👍🏻📍 釣魚船屋觀塘駿業街𝟻𝟼號中海日升中心𝟸樓ʜ室

喺觀塘工業區，可以打卡，又好大間嘅餐廳成隻船放咗係餐廳入面，船上仲有座位可以坐😍 真係好有feel。 另外餐廳仲有好多獨立房間，得客人可以享受私人空間。 坐得舒服😌，店員都好有友善。釣魚船屋壽司六貫并湯烏冬（$118）日式照燒安格斯西冷牛扒（$148）壽司都幾新鮮，加上熱辣辣又彈牙嘅湯烏冬。 西冷扒都幾有牛肉味，有嚼勁。套餐包括麵豉湯、碗蒸蛋、沙律🥗及前菜。 碗蒸蛋香滑有蛋味，前菜係麻醬滑豆腐😌午餐價錢比較貴，但勝在坐得舒服，可以慢慢食～

自從新聞報道呢間唔比導盲犬入 🐶已經好失望 👎之前食咗一次晚餐 食物質素麻麻 😑價錢好貴 銷售手法好差 諗住跟日本嗰套但完全唔同 刺身切法好差 可以切到一d大一d細 成條魚切得8片 完全呃秤 本來同侍應反映意見 點知仲要侍應態度都好差 😨唔知係咪又係新同事 呢次事件 我無再去 而家仲要唔比導盲犬入 老闆仲要話係唔知情怪個員工 公關手法十分差 👎👎👎喺社交煤體放低隻法鬥嘅相想點 比法鬥入唔比導盲犬入？呢間餐廳永久黑名單🤛🏿

▫️和牛海膽卷海膽新鮮 而且唔會有腥味😍 不過和牛味略嫌被蓋過 唔算特出▪️燒牛舌&燒五花腩燒物整體唔錯 牛舌爽脆彈牙 五花腩肥瘦均勻好友層次感 加埋七味粉調味 燒得啱啱好🤤▫️安格斯牛肉壽喜燒牛肉脂肪分布均勻 其他菇同菜等嘅配料亦都好新鮮☺️ 比較失色嘅係壽喜燒湯底過鹹🙈大船上設有坐位大家可以喺上上面一路食一路釣魚 魚竿+魚餌$20 釣到可以加錢做刺身 不過當日所見只有五條魚左右🙊釣蝦嘅餌就$78 不過啲蝦有大約20-30隻 都算大隻 而且比較生猛活躍🤣😋必食指數：6.5/10🌇餐廳環境：8.5/10⚓️服務態度：7/10💰人均消費：$350

去到入去既感覺唔錯！比個外表騙左！🤬🤬1）先係落餐果到佢又唔係自助餐，野食自己落，仲要好多野食都話賣哂（但佢開12點，我12點半去到，開門就無野食呀）的價錢一的都唔平，野食一般般。2）漏單4個人落餐，都可以少一份，仲要去問，要過好耐先話漏左單，師父加快整，問題係3個人都食哂野囉！3）服務佢比間房我地食，正常都會關門，但個服務員係咁打開我地既門，又唔關返！要我地自己去關門。4）釣魚釣蝦問員工點樣可以去釣魚釣蝦，佢諗左好耐先答話要等安排，因為有人釣緊。但出面都無人釣緊囉，又無蝦係水池到，魚又用欄圍住，直到我地食完都無玩過釣魚釣蝦。跟本就係呃人。整體感覺都唔愉快！

之前book左位食呢間釣魚船屋一入到去，環境幾大，侍應就叫左我地坐埋一張枱度，個張枱都幾舒服下，側邊就有成個池，有得釣蝦🦐同魚🐟，但由於上網睇見到唔抵，所以就冇釣魚啦😹首先，我地就點左一個懷石料理，上網睇，見到好好食就當然要試下啦！等左四十五分鐘，終於上菜啦，餓到我死下死下咁😥，呢份懷石料理係一人前的，價錢係$599。一睇到就知道呢份野有幾大份，有沙律,刺身,鰻魚,火鍋,海膽(蓋住了),生蠔,天婦羅,等等。每份都細細份，但係又超級好食，真係唔係賣廣告架🤩。因為係兩個人食，所以都唔係好夠食🥵之後就叫左鵝肝壽司同埋蟹膏壽司，鵝肝壽司勁好味😋，而蟹膏壽司都唔錯嘅最後就叫多個燒雞翼😹，想試下呢度啲燒物得唔得😹，等左十五分鐘先到😥。雖然有啲耐但係佢係即刻整嘅，所以就熱辣辣好好食！外面勁脆，肉汁鮮嫩可口，簡直係掂呀！

可惜疫症期間，我地無得飛返家鄉呀😭好掛住日~本~ 刺~身 海~膽，所以今次去呢個地方絕對解決一時間對日本既思念！我地就去咗觀塘既釣魚船屋👍間餐廳裡面有好大隻船，而且仲會提供魚竿同魚餌比客人釣魚同蝦架！另外，我仲好鐘意佢地既包廂座位，私隱度非常高架！我地最終揀咗一份懷石料理，同兩份釣魚同安康魚肝，最後係絲立燒魚！但我地等食物期間不停打卡，又釣下魚咁，超級開心！仲有店員好helpful好樂意幫我地影相，抵讚！原來一人份量既懷石料理，啲食物多到足足放滿成張枱，而且放得好整齊，每一款食物都好精緻，即時覺得自己置身於日本居酒屋一樣，呢度有齊我想食既刺~身，海~膽，魚生飯，燒鰻魚， 生魚片，魚子，生蠔，天婦羅，連燒鮑魚喜燒鍋都有呀！刺身份量厚，咬落有口感，最後係絲立燒魚，食落仲好新鮮，我地兩個都食唔停！掂呀！呢個份量已經好足夠兩個女仔食，非常滿足！呢個價錢試到咁多野食物，真心抵食！

疫情下係咪好掛住海膽刺身呢？😍咦！唔洗岀海都有得釣魚😎自己釣完仲即刻有得嘆添😮一次過滿足多個願望🥰「釣魚船屋」認真正呀！👏🏻 海膽甜蝦杯🦐肥美海膽精緻鋪滿杯上😍光澤飽滿呈誘人金黃色吞嚥後鮮甜。富魚鮮香入口即緩緩溶化於口中☺️Oiishi～❤️

好耐冇出街食飯，今日就趁爸爸生日放假出去食個lunch~ 呢度裝修好日式，而且仲有一間間包廂，私隱度高，入面仲有榻榻米座位，有少少去咗日本嘅感覺 japan ～釣魚船屋 有得食、有得釣魚，如果釣到仲可以即刻整嚟食！！！小朋友去到已經急不及待咁釣魚，可惜最後冇收穫 呢度仲可以釣蝦！我哋就食咗啲好嘢！叫咗懷石料理，雖然佢話係一人前，但份量其實好多！首先有多款小食：海膽、魚子、生蠔、茶碗蒸、蕃茄沙律等等；之後就有刺身拼本，有肥美嘅三文魚腩、大拖羅厚切同埋鮮甜嘅帶子！除咗魚生仲有魚生飯，材料都好豐富。熱食方面有天婦羅、牛肉壽喜燒、燒鮑魚、燒鰻魚！勁豐富😍除咗懷石料理，各款set lunch都好抵食👍🏻 最後再食埋芒果雪葩做甜品，真係好滿足❤️

有得玩有得食嘅觀塘黃店日本菜~ 環境非常之大，有好多卡位，坐得好舒服，服務都幾好。唯獨用佢個app點餐睇得唔清唔楚晰，而家午市仲有七折，兩個人食咗五百蚊埋單都只係三百幾蚊，好抵👍🏻整體來講味道都唔錯，預返多少少時間，要等耐啲。魚生飯係用醋飯，用心製作🍣魚生都幾新鮮，食得出鮮甜火鍋都推薦，牛肉質素上乘，而且份量好多啊！兩個人再加個飯都食唔晒。仲可以加烏冬，大胃王唔使驚唔飽如果帶埋小朋友可以嘗試吓釣魚或者釣蝦，海鮮類仲可以選擇濱燒，今次我就選擇咗大頭蝦，肉質新鮮又彈牙👍🏻

同朋友一齊過2020最後一日係OpenRice 見到呢度環境唔錯仲好似日本釣魚餐廳咁有得即釣即燒🐟🦐🦞雖然價位唔低 但平時節儉既我地都決定好好獎勵自己當去一次日本🇯🇵可能因為朋友有訂位比左一間獨立小房我地坐要除鞋入去坐榻榻米 超級有feel🤩朋友叫左一個灸燒鮭魚加魚卵飯($98)賣相十分唔錯😍而且午市定食都會跟前菜蒸蛋同麵豉湯不得不提蒸蛋雖然賣相一般但蛋味好濃而且好滑朋友同我都覺得有驚喜😋😋講番主菜朋友個飯細細碗但都好夠飽不過我地都想再加幾舊壽司食🍣就加左鵝肝($65)灸燒三文魚($32)同帶子($38)最驚喜係鵝肝壽司塊鵝肝超厚燒完超好食呀 必定encore 🥳🥳而我叫既壽司十貫($168)味道就相對普通不過賣相唔錯而且仲可以+$18有三片三文魚刺身🐠整體黎講呢餐飯好似去左一次日本🥳而且食完傾多陣計都唔會趕人走同朋友都覺得好滿足😍😍一定會再去 睇下有冇機會釣魚😋