Video
Read full review
2022-09-29
236 views
有時同一兩個朋友慶祝生日，都會覺得四吋嘅蛋糕有啲太大🫠，根本食唔曬，所以第一時間就諗到La Famille嘅蛋糕😂，尺寸啱啱好得黎外觀精緻🥺✨，款式又多樣化，幾個人可以試好多種唔同嘅味道！今次自己生日🤓又有藉口同另外三個朋友揀左四款唔同口味同造型嘅蛋糕，之前一直都以為迷你尺寸嘅蛋糕係唔可以寫生日牌，點知係可以的！❀❀❀❀❀❀❀❀❀❀❀❀❀❀❀❀❀❀❀❀❀❀❀❀❀⭐法式檸檬撻 $64最推介嘅款式係呢個檸檬撻🍋，好有驚喜❗❗本來無特別鍾情於檸檬味嘅食物，但呢個檸檬撻裡面嘅檸檬慕斯酸甜適中，非常開胃，最下面仲有個消化餅底🥧，令佢嘅口感更加豐富。⭐香濃開心果 $67開心果嘅吸引到我嘅地方在於佢外層嘅朱古力脆皮🤣，加上頂層嘅開心果慕斯，味道香濃得黎又唔會太甜，不過建議大家買完後最好就即刻食啦，我係拎住佢喺室溫下遊蕩左片刻先食，所以食嘅時候外皮已經唔脆了🥲🥲▫️日本白桃 $64可能因為食完較濃味嘅開心果蛋糕，反而覺得白桃味🍑會比較淡🙈，但食落啖啖果肉，唔會有負擔，我會話係比較輕盈嘅選擇😗▫️日本日向夏蜜柑 $64蜜柑嗰款雖然望落比較寡👀，點知入面有檸檬醬😮，味道同檸檬撻個慕斯有啲似，整體感覺都幾清新🍃
今次自己生日🤓又有藉口同另外三個朋友揀左四款唔同口味同造型嘅蛋糕，之前一直都以為迷你尺寸嘅蛋糕係唔可以寫生日牌，點知係可以的！
❀❀❀❀❀❀❀❀❀❀❀❀❀❀❀❀❀❀❀❀❀❀❀❀❀
⭐法式檸檬撻 $64
最推介嘅款式係呢個檸檬撻🍋，好有驚喜❗❗本來無特別鍾情於檸檬味嘅食物，但呢個檸檬撻裡面嘅檸檬慕斯酸甜適中，非常開胃，最下面仲有個消化餅底🥧，令佢嘅口感更加豐富。
⭐香濃開心果 $67
開心果嘅吸引到我嘅地方在於佢外層嘅朱古力脆皮🤣，加上頂層嘅開心果慕斯，味道香濃得黎又唔會太甜，不過建議大家買完後最好就即刻食啦，我係拎住佢喺室溫下遊蕩左片刻先食，所以食嘅時候外皮已經唔脆了🥲🥲
▫️日本白桃 $64
可能因為食完較濃味嘅開心果蛋糕，反而覺得白桃味🍑會比較淡🙈，但食落啖啖果肉，唔會有負擔，我會話係比較輕盈嘅選擇😗
▫️日本日向夏蜜柑 $64
蜜柑嗰款雖然望落比較寡👀，點知入面有檸檬醬😮，味道同檸檬撻個慕斯有啲似，整體感覺都幾清新🍃
❀❀❀❀❀❀❀❀❀❀❀❀❀❀❀❀❀❀❀❀❀❀❀❀❀
個人覺得La Famille嘅性價比係幾高，大概$6x可以買到一個蛋糕兩個人分享，可以滿足到想食甜品又食唔到太多嘅慾望🤣🤣希望La Famille可以繼續出各式各樣嘅款式，等我下次又可以試到新口味嘿嘿！
食物質素：3.8/5
服務：-
環境：3.8/5
性價比：4/5
𝕖𝕟𝕔𝕠𝕣𝕖?：yes
Post