鍋呵呵 (Closed)

今日約咗兩個姊妹食晚飯，因為要近其中一個姊妹屋企，方便佢暫時放低仔女，閃出黎食飯，所以去左深水埗覓食。平日甚少去深水埗，淨係知深水埗有出名嘅豬潤麵同豆腐花！姊妹話想打邊爐，推介我地去「鍋呵呵」，話唔會太貴又坐得舒服！佢係地膽，佢揸fit啦！我哋六點幾去到餐廳，比咗一張四人枱我哋坐，環境望落去都幾闊落幾光猛！最緊要係啲杯杯碟碟都乾淨, 唔會油淋淋（我最怕><)! 我個姊妹啱啱停左餵母乳，即刻話要食辣野，要叫沙嗲湯底，但係另一個姊妹又唔食得辣，所以最後叫咗個沙爹鴛鴦鍋！我地係牛魔王！五月份晚市惠顧會送一碟肥牛，我哋另外仲叫咗一碟手切牛。湯底味道正常、冇乜特別！花甲$68份，超鮮甜！好味道！午餐肉係我至愛，放落沙嗲湯底一流，超惹味！牛筋丸同汕頭魚蛋味道正常、牛筋丸有咬口！推介手打蝦滑，有蝦味之餘口感彈牙！手切牛同免費嘅肥牛都好食，不過手切牛牛味會濃d！份量都唔少！不過清碟就難唔到我地呢班牛魔王！嘻嘻！唐生菜油麥菜新鮮乾淨！冇爛菜爛葉！黑牛柏葉爽口！最後點左最魔鬼嘅出前一丁，加落沙嗲湯度，索哂d味！超級正！一邊食一邊傾，唔經唔覺傾左3個幾鐘（服務不錯，不時斟茶換碟），充滿笑聲嘅