Lady M

Open Now

Now Closed

一直足不出戶兩個幾月，真係發曬毛，正所謂頸都要抖氣，為免出現抗疫疲勞，係時候出來走走，剌激下消費。我地去左銅鑼灣，原來諗住去Hysan食pancake，但就被時代廣場的Lady M吸引。由於只剩下一半坐位可做生意。我地响門口足足排左成粒鐘，卒之由一位梳柏豪頭的靚仔引領入到去。原味千層蛋糕$68超正呀！奶油好軟滑，一層又一層比到你無語倫比的驚喜，真係超like呀！抹茶千層蛋糕$75黎到抹茶千層蛋糕啦，以為抹茶會有點苦澀味就大錯特錯，Lady M的抹茶只有茶香而沒有苦澀味，正到停唔到口呀！不消一會已經KO左兩件cake,又要帶返個口罩😷。