Lady M (Closed)

Lady M嘅cake set都係另一個下午茶選擇，自選四件蛋糕+2杯飲品，價錢HK298+10%，Lady M出名係千層蛋糕，但我鍾意食海綿蛋糕多啲，蛋糕係軟綿綿嘅，今次我哋叫咗四款不同蛋糕：🍰朱古力棋盤蛋糕🍰栗子蛋糕🍰威士忌黑朱古力mousse🍰法式士多啤梨千層酥第一至三款蛋糕我以前都食過，亦係我至愛😋今次第一次食威士忌黑朱古力mousse ，有淡淡酒香，黑朱古力夠濃，正👍🏻飲品：Cappuccino 及凍碟豆花乳酪梳打，紫色嘅梳打賣相幾靚，不過忘記影相，今次乳酸味道較淡。