Lagom Kaffe (Closed)

難得來觀塘一帶同BFF聚，當然要搵一間環境優美輕鬆嘅好地方，一路傾一路食。BFF推介Lagom Kaffe。平時好少去觀塘商廈，估唔到喺工商下林立竟然有咁大嘅地方，係喺香港難得一見嘅闊落cafe。一入門就見自設炒豆機，之後就係落地大玻璃。入面以木係為主調，俾人感覺好舒適。食物以QR code數單。平日黎有lunch set可以以半價價錢點飲品。我點左奶油羅勒干貝意粉配latte。羅勒同橄欖油配雜嘅汁好香濃，每一條意粉都完美咁掛汁。最欣賞係加入蕎麥，增加意粉嘅口感。帶子肉質厚實，面頭輕輕煎一煎。咁好味嘅帶子有四粒，絕對唔輕手。Latte入口有微微咖啡烘焙味，body適中。嘆一嘆咖啡，吹水，真係一大樂事。BFF就食豬頸肉泡菜蘋果漢堡，好新穎嘅fusion漢堡。豬頸肉面頭鋪咗一層燒過嘅芝士，好吸引。整體食落冇平時漢堡包咁Heavy。旁邊配菜嘅薯條亦都唔馬虎。面頭有芝士粉，炸得香脆。難得黎慢活，當然要叫甜品chill下。Tiramisu有好澎湃嘅Cream瀑布。最上層係類似奶蓋嘅cream，之後就係輕芝士同埋朱古力雪糕嘅夾層。好彩係share食，如果唔係，罪惡感太高啦。Lagom顯示瑞典式生活