Video
Read full review
2022-07-08
758 views
多比是一個勤勞嘅打公仔每天只有兩個時間係多比最開心嘅時間就係多比嘅放飯時間，同收工時間 分針搭正 1點 ， 就係多比嘅第一輪HappyHour😍多比之前已經經過呢間花花結果 ，但次次因為太忙食唔到 而開唔到花結唔到果，今次 終於俾多比我搶到頭等位 坐到係餐廳嘅位度啦🤪多比 一坐低 唔洗諗 即刻打開咗個Menu 睇下有咩好食點解 我要咁快 ？ 因為多比嘅時間只有啱啱一個鐘 遲一分鐘都會俾人 KO眼利嘅多比 已經見到有牛扒套餐，唔洗諗 即刻叫爆俾多比食！餐廳都好快手 大約 五分鐘就出到餐俾我期待已久嘅多比 終於都食到開花結果嘅餐啦😼牛扒咬落都幾順口，肉質都嫩滑 再混合餐廳嘅醬汁 都幾開胃 唔錯唔錯唔知係咪因為 加埋啲醬汁一齊食 ，多比零射開胃只係用咗10分鐘就食曬成碟嘅牛扒餐啦，只家仲有有成十五分鐘俾多比我係度 Un Un 腳飲佢果杯凍檸茶，以多比多年飲凍檸茶經驗 ，開花結果嘅凍檸茶 可以俾到去7.8分 都算一個高分嘅級別 ，食完成個餐 都只有五十幾蚊 以多比嘅銀包 絕對應付有餘啊！（其實多比啱啱出糧）（又去到評分環節啦 ！ 5分🌕為滿分）味道：🌕🌕🌕🌖🌑環境：🌕🌕🌕🌑🌑 （午市環境
每天只有兩個時間係多比最開心嘅時間
就係多比嘅放飯時間，同收工時間
分針搭正 1點 ， 就係多比嘅第一輪HappyHour😍
多比之前已經經過呢間花花結果 ，但次次因為太忙食唔到 而開唔到花結唔到果，
今次 終於俾多比我搶到頭等位 坐到係餐廳嘅位度啦🤪
多比 一坐低 唔洗諗 即刻打開咗個Menu 睇下有咩好食
點解 我要咁快 ？ 因為多比嘅時間只有啱啱一個鐘 遲一分鐘都會俾人 KO
眼利嘅多比 已經見到有牛扒套餐，
唔洗諗 即刻叫爆俾多比食！
餐廳都好快手 大約 五分鐘就出到餐俾我
期待已久嘅多比 終於都食到開花結果嘅餐啦😼
牛扒咬落都幾順口，肉質都嫩滑 再混合餐廳嘅醬汁 都幾開胃 唔錯唔錯
唔知係咪因為 加埋啲醬汁一齊食 ，多比零射開胃
只係用咗10分鐘就食曬成碟嘅牛扒餐啦，
只家仲有有成十五分鐘俾多比我係度 Un Un 腳飲佢果杯凍檸茶，
以多比多年飲凍檸茶經驗 ，開花結果嘅凍檸茶 可以俾到去7.8分
都算一個高分嘅級別 ，
食完成個餐 都只有五十幾蚊
以多比嘅銀包 絕對應付有餘啊！（其實多比啱啱出糧）
（又去到評分環節啦 ！ 5分🌕為滿分）
味道：🌕🌕🌕🌖🌑
環境：🌕🌕🌕🌑🌑 （午市環境比較人多）
服務：🌕🌕🌖🌑🌑（環境多人，姐姐較忙，互相體諒啦！）
價錢：🌕🌕🌕🌗🌑
Other Info. :
午市環境比較人多，想食嘅最好提早15分鐘落去排定位啦！
(The above review is the personal opinion of a user which does not represent OpenRice's point of view.)
Post