開花結果 (榮吉工業大廈)

Open Now

Now Closed

今天我在荔枝角工廠區隨意走動，意外地發現了一家陌生的餐廳。走進去後，看到裡面擠滿了附近的上班族，伙計們也忙得不可開交，感覺這裡的食物一定不錯。我點了一份煙三文魚配牛角包的沙律餐。麵包剛出爐，暖暖的口感讓人感到十分舒適。煙三文魚的質素也很不錯，味道鮮美，搭配上新鮮的水果，讓整個沙律更加清新。水果看得出是現切的，口感脆嫩，讓人一口接一口。另外，薯仔沙律也相當新鮮，搭配的醬汁恰到好處，讓整個餐點更加豐富。至於飲品，我點了一杯凍茶，雖然味道和顏色算是合格，但並沒有特別出眾的感覺。整體來說，這份沙律餐的份量很足，讓我十分滿意，性價比也相當高。下次再來這裡，我一定會試試其他的菜品，期待會有更多驚喜！

有時忙到晏佐食Lunch就會係呢到食嗰下午茶多數都會叫炸脾加沙律。每次沙律都好大份，炸脾又大大隻。食佐幾次個炸脾都勁熱啱炸出嚟，仲要有雞油！超好食😋沙律我最鍾意叫吞拿魚火腿粟米，比例啱啱好勁香吞拿魚味！有時Lunch落去仲有個蕃茄墨魚卷烏東都好好食！不過記得要加埋佢個辣椒油會令個烏東升佐一個層次😂

食左2次下午茶豬柳漢堡包拼沙律👀上一次食果時無問我拼咩沙律 我以為係指定左🙈今次個姐姐問我要咩沙律 我問佢有咩沙律佢一臉嫌棄咁叫我睇前面🙄態度真係好差😤嘢食係好食 但咁嘅態度真係無下次!!!

開花結果我食咗好多年，質素一直好穩定，通常都係食佢嘅包+沙律+飲品套餐，如果有時撞啱兩點半下午茶時間，就會叫雞髀沙律，佢嘅雞髀非常之好食，如果有全港炸脾排名榜，開花結果嘅炸雞髀可以入十大。講返套餐，最喜歡佢嘅黑椒蟹柳牛角包，係好奇妙嘅配搭，黑椒配蟹柳味道非常之夾，但牛角包始終係高脂肪食物，近年已改食麥包，沙律方面好多人都叫開花結果，但我喜歡佢嘅雜果沙律，如果啲蘋果可以切細粒啲更好。另外一款我自喜愛嘅沙律係薯仔西芹，又係另一個好奇妙嘅配搭，菠蘿粟米蛋以前都鍾意食，但而家唔知咩原因難食咗，嗰啲菠蘿有渣又冇味。飲品方面加錢有台式飲品，胚芽珍珠奶茶都唔錯。另外值得一提係戴眼鏡長髮嘅事頭婆好好人，好多年前試過銀包唔夠cash，呢間嘢又唔收電子支付，個收銀即刻燶曬面想報警咁，事頭婆即刻走過嚟叫我出去撳錢先，慢慢嚟唔使急，真係抵佢好生意。

在附近做完運動，出了一身汗水，當然想食得輕便d！見到這間都好多人食，即刻入去試下！佢係相對健康的本地茶餐廳，好多沙律選擇！早餐其實抵食好多！可惜我地過左11點，所以就叫左All day breakfast！All day breakfast 可以自選一款餡料配自選麵包再加兩款沙律及一杯餐飲！（$61）餡料選擇都好多，麵包都有6款揀。（可以免費烘底）⭐️蜜桃火雞配麥包（沙律：花開結果+雜果沙律）蜜桃火雞正常發揮，麥包烘底之後好好味。花開結果沙律，其實全部都係新鮮生果，有蜜瓜、木瓜、火龍果、西瓜；雜果沙律就有蘋果、椰果、蜜桃。⭐️香芒雞肉配香草包（沙律：花開結果+菠蘿粟米蛋沙律）⭐️香芒雞肉配麥包（沙律：花開結果+吞拿魚沙律）平時都係cafe食以上輕食，好少呵可以茶餐廳食！仲要份量十足！抵食！

被安排坐喺入口第一張枱，午飯時間人多，被等候的客人圍住都預咗，偏偏頭頂把風扇只開最低，開咗等於冇開，焗到頭暈。叫收銀姐姐開大小小風扇，佢一句話唔得，會吹走佢前面啲單。佢自己前面就安咗把風扇仔對住自己😤 客人就熱到暈，可能想啲客食快啲做多幾輪。咁樣對客人，食物點好味都冇用😡

呢間餐廳我平日耐不耐都會去幫襯吓 食物質素唔錯 寫單嘅姐姐亦很有禮貌 但今日去食完嘢竟然被收銀個靚仔用凌厲嘅眼神'掘'住我起碼5秒直送我出咗佢門口 簡直超級冇禮貌 我自問冇鬧佢冇質疑佢任何嘢 佢做到發瘟唔駛搵客出氣卦 簡直一粒老鼠屎壞了一鍋粥 難怪香港人紛紛要北上搵食

外賣叫左下午茶餐炸脾拼沙律 ($41)隻脾幾大隻, 但炸到燶曬真係搞唔掂，而且油淋淋，成個外賣袋都係油肉質又鞋口又唔入味想叫果汁, 又話好多款都冇是但叫左一款, 明顯用水溝到淡曬

又平又大份的下午茶仲要下午茶去到6:45好多人慕名而來的我都黎試試看見好多人點炸雞髀看來炸雞髀係主打炸雞髀外脆內嫩大隻又抵食有成半隻碟咁大唯一美中不足的是味精重手左

外賣平台叫左個星期六既精選套餐 - 泰式咖喱軟殼蟹，送到黎既時候已經聞到好香飯盒賣相不佳，份量適中，色彩繽紛，每個飯盒都有兩個軟腳蟹，有大有細。因為唔係即刻食飯盒，焗左一段時間，軟殼蟹都變諗左，但都無礙佢調味香，配搭埋咖喱，簡直係送飯一流！但紅蘿蔔偏硬，煮淋少少口感會好d總體而言都算唔錯👍🏻

同事之前在觀塘駐紮多年，於該區常吃開花結果，得悉公司附近有一間，某日午餐帶同小人一起到訪。走入餐廳，馬上被其場面震懾到！餐廳內已經滿座，等外賣的亦超級多人，利害！很多食客都在吃著包加沙律的套餐，目測絕對是激大版，令到本來想叫意粉的同事也轉軚點這個餐。我們一個要煙三文魚、一個要香芒雞肉，沙律可以選兩款，二人無獨有偶地都選擇了吞拿魚和田園沙律。餐點很快送到，真的無敵巨型！不過要說明的是包並非很大個，海量的是沙律。反開面層的麵包，發覺煙三文魚只有數小片；反而雞肉比較多，起碼能覆蓋麵包。煙三文魚不是不好食，只是太少了，幸好有吞拿魚沙律做餘下的餡料。香芒雞肉夠清新，雞肉不柴。吞拿魚沙律裡還有很多火腿絲和粟米粒，撈了沙律醬，感覺是挺豐富的。田園沙律有生菜、蕃茄、青瓜及粟米，混的是千島醬，酸酸的令人胃口大開。$60的套餐還包餐飲，性價比絕對高，難怪吸引那麼多人了！

親自去到鋪頭點外賣，拎佢收銀張menu點餐，報既係菜名，點完個姐姐識講話無焗薯，咁我咪轉意粉。拎住個外賣番到公司一睇，唔同餸黎，打去一問，答我轉左menu。轉左menu唔洗講聲？我係拎住收銀你比我張menu點餐，報既係菜名，都唔講聲？問完仲要一啲唔好意思都無。搞到我成個飯唔食得（裡面有我過敏既野。）呢間野以後唔會去，買外賣既要記得開盒睇下係咪你要既野。

沙律探店🥗为什么每次来都要排队！這家開花結果是我最愛去的餐廳很多款沙律選擇和非常健康🥒沙律也可以很飽肚 最適合女生想減肥而且味道也非常不錯 大家也可以去試下！🥳叫了牛角包白汁吞拿魚配上了薯仔沙律和鮮果沙律🥔🍅佢哋嘅沙律真係好出名，每次門口都好多人排隊然後榨汁好好飲，我揀咗一杯係蜜瓜榨汁好健康，而且佢哋嘅服務態度都非常好價錢性價比高📍餐廳：開花結果📍地址：荔枝角榮吉工業大廈B座地下2A號舖

每次經開香工附近做嘢都必定幫襯開花結果，他們的鮮果沙律真是做得出神入化，雖然我住得很遠，但是我都會忍唔住順路外賣兩個沙律。首先他們沙律是用新鮮的蘋果，非常爽口甜美，不吝嗇俾沙律醬，沙律醬都冇溝水，經過一個鐘頭車程沙律都沒有倒汗水，真材實料，價錢平易近人，下午茶必食首選

長沙灣飯堂😋😋每次經過都見到好多人排隊上班一族街坊之選！終於比我試到佢真係經濟實惠又好味🩷🩷試咗王牌經典套餐，可以揀三樣嘢兩個沙律及一個麵包❤️吞拿魚沙律用了非常足，有粟米火腿吞拿魚！充滿兒時童年的味道，感覺沙律應該係新鮮整出嚟，唔係放咗好耐！好味必試❤️開花結果沙律全部都是新鮮水果，唔係罐頭水果，店家是用當季新鮮水果做水果拼盤，好清新！成個組合落嚟不會太膩❤️牛角包加三文魚牛角包拎出嚟仲係熱辣辣的 酥脆加埋三文魚！比出面coffee shop好吃很多，下次想試埋其他配料而且店員非常有善，雖然好忙好多客人但係都很有耐性！