Video
Read full review
2016-06-05
1323 views
大埔★Lanciano Ristorante（意大利餐廳）作為意大利菜擁躉，知道大埔有間意大利餐廳成日都想黎試下。不過有次夜晚經過見d野食閒閒地都二三百蚊都係決定搵次lunch黎試下值唔值先...星期日12點幾黎到只有三四枱客人，人流稀少。相信餐廳為左節流，只係開左少量射燈同埋冷氣都開到好細，坐到有d出汗之餘感覺上氣氛都幾昏沈見到天花掛起既一面面意大利旗幟仔先醒起去左間意大利餐廳...最生氣勃勃都係個大魚缸，見到d魚游得咁happy我都好想去游水涼快一下搵食時間唔知餐廳係咪好狼死地大幅加價呢？印象中以前只係$68+10%……頭盤 - 蕃茄、薯仔、烚蛋配蛋黃醬（跟餐）：★★☆☆☆ ☆☆☆☆☆賣相真係唔太掂，d醬多到浸住晒d材料炸龍脷柳配醃青瓜蛋黃醬（午餐$98+10%）：★★★★★ ★★☆☆☆仲長過手板咁大塊！仲要係無花無假勁厚肉！炸粉食落有d似油炸鬼，好彩炸得香脆而唔會油林林不過入面既啖啖魚肉先係重點，層次分明，肉質嫩滑，好滿足只不過d配菜除左燒蕃茄之外真係唔太掂……西蘭花白烚無味，薯條唔脆唔新鮮然後醃青瓜蛋黃醬原來只係平時點魚柳既普通沙律醬？！蝦肉西蘭花忌廉汁扁意粉（午餐加半份$38
作為意大利菜擁躉，知道大埔有間意大利餐廳成日都想黎試下。不過有次夜晚經過見d野食閒閒地都二三百蚊都係決定搵次lunch黎試下值唔值先...星期日12點幾黎到只有三四枱客人，人流稀少。相信餐廳為左節流，只係開左少量射燈同埋冷氣都開到好細，坐到有d出汗之餘感覺上氣氛都幾昏沈見到天花掛起既一面面意大利旗幟仔先醒起去左間意大利餐廳...
最生氣勃勃都係個大魚缸，見到d魚游得咁happy我都好想去游水涼快一下搵食時間
唔知餐廳係咪好狼死地大幅加價呢？印象中以前只係$68+10%……頭盤 - 蕃茄、薯仔、烚蛋配蛋黃醬（跟餐）：
頭盤 - 蕃茄、薯仔、烚蛋配蛋黃醬
27 views
0 likes
0 comments
賣相真係唔太掂，d醬多到浸住晒d材料
炸龍脷柳配醃青瓜蛋黃醬（午餐$98+10%）：
炸龍脷柳配醃青瓜蛋黃醬
$98
7 views
0 likes
0 comments
仲長過手板咁大塊！仲要係無花無假勁厚肉！
炸粉食落有d似油炸鬼，好彩炸得香脆而唔會油林林不過入面既啖啖魚肉先係重點，層次分明，肉質嫩滑，好滿足
炸龍脷柳配醃青瓜蛋黃醬
24 views
1 likes
0 comments
蝦肉西蘭花忌廉汁扁意粉（午餐加半份$38+10%）：
蝦肉西蘭花忌廉汁扁意粉（半份）
$38
11 views
0 likes
0 comments
正，可以嗌個set再加半份意粉/飯，唔想太滯兩個人分份量岩岩好
中西合壁既配撘，總係覺得無啦啦加左西蘭花好似去左heahea港式西餐廳…好彩個忌廉汁調得好，creamy又入味，扁意粉煮得al dente，味覺上慰藉番弱小既心靈
蝦肉都幾彈牙喎，不過如想像中唔係特別鮮甜啦～至於d西蘭花呢，其實都好上汁幾好味，又爽爽地有口感
熱意式咖啡（跟餐）：
熱意式咖啡
23 views
0 likes
0 comments
睇佢啡啡地色感覺上幾都好似唔太濃姐，飲啖先知原來咁濃郁帶苦加左成杯奶仔先叫易入口d，不過淺嚐左一兩啖都係比番喝得苦男人飲…
埋單$150/2ppl。
整體黎講食物（除左個頭盤）都幾好味，但環境係敗筆令人唔可以好好享受氣氛欠奉而又有d侷促，好有屋邨西餐廳feel。意大利菜黎講其實都唔算貴，但以依個價錢相信會有更好既食物ｘ環境組合
Post
