Video
Read full review
2014-02-06
9012 views
自從上次去咗Hollywood Hotel食自助餐,之後就一直想試下位於Disney Hotel既翠樂庭.終於如願以償book咗晚餐buffet,本身想訂第二個時段,可惜已經full booking,都只係星期一就full哂,令我更期侍是次自助餐,而我地唯有食返17:30呢個時間.翠樂庭的裝潢完全配合返Disney Hotel維多利亞風格主題,圓拱形大門入口有種進入仙境既感覺,單單係個入口都已經夠哂吸引!真係好欣賞翠樂庭的裝潢佈置,入到去完全置身於花園入面.天藍色既假天花營造出天朗氣晴,藍天白雲既感覺,好寫意既氣氛!呢度既食物款式比Chef Mickey多,單單係日式既食物都已經好多款,冷麵,細細碟魚生飯等等.亦有d類似日式火煱既配料,可以叫廚師幫你淥淥d野食.哇!腳蟹亦有開邊,方便大家食,就係咁好多人都拎咗開邊既蟹腳,想攞第二round個陣只係剩下d無開邊既蟹腳,可想而知呢碟野幾多人中意食,味道依然鮮甜無比,開咗邊真係方便好多!自己最中意係細細碗既雜錦刺身飯,有三文魚吞拿魚粒....食上去口感好豐富,最重要係細細碗唔會太易飽肚,食多幾碗都無問題仲拎咗碟豆腐仔,正常應該有汁落,但唔知落
翠樂庭的裝潢完全配合返Disney Hotel維多利亞風格主題,圓拱形大門入口有種進入仙境既感覺,單單係個入口都已經夠哂吸引!
真係好欣賞翠樂庭的裝潢佈置,入到去完全置身於花園入面.天藍色既假天花營造出天朗氣晴,藍天白雲既感覺,好寫意既氣氛!呢度既食物款式比Chef Mickey多,單單係日式既食物都已經好多款,冷麵,細細碟魚生飯等等.亦有d類似日式火煱既配料,可以叫廚師幫你淥淥d野食.
哇!腳蟹亦有開邊,方便大家食,就係咁好多人都拎咗開邊既蟹腳,想攞第二round個陣只係剩下d無開邊既蟹腳,可想而知呢碟野幾多人中意食,味道依然鮮甜無比,開咗邊真係方便好多!自己最中意係細細碗既雜錦刺身飯,有三文魚吞拿魚粒....食上去口感好豐富,最重要係細細碗唔會太易飽肚,食多幾碗都無問題
仲拎咗碟豆腐仔,正常應該有汁落,但唔知落咩好所以就咁食,清清淡淡當洗下味蕾.
本身好中意食刺身,所以碟碟實有一款刺身
南瓜忌廉湯好香好滑口
天婦羅方面,炸粉唔會話太多,不過食起上黎有d凍
海鮮串,粒粒都真材實料,不過都係略嫌有d凍,但味道不錯
食都咁上下,就食甜品啦.甜品位貫切Disney Style,卡通人物離唔開d甜品,都係個果:睇到都唔捨得食!
因為就黎新年,d飾物都有新年氣氛
咖啡芝士杯好正,呢個組合永遠都咁match,食落去好香口,又唔會話太肥今次亦都係第一次食朱古力噴泉,攞棉花糖試下,不過覺得太甜.
呢餐真係好滿足,最開心莫過於有卡通人物行黎影相.唔會好似入park咁下下都要等排隊.係翠樂庭,佢地會張張枱行埋黎影,唔會怕miss咗.
Anyway, that is a wonderful dinner!
Post
