金田家 (Closed)

辛苦咗一個上晏，幫老細出席咗佢母校的家長日，角色係扮演觀眾，散場時都十二點幾，再執埋啲手尾，搞到下午兩點才放人。太太就疏乎啦，去咗荃灣嘅荃新天地邊shopping邊等埋我食飯。講到食飯，我想食鰻魚飯，太太話剛才逛商場留意到呢度有間金田家，本來係主打食拉麵，原來都有鰻魚飯食。入到來坐得舒舒服服。鰻魚飯鰻魚飯燒得香，而且肥美，如果鰻魚汁再多一些就更好。唐揚雞咖喱丼太太食咖喱炸雞飯，話炸雞好香口，肉質嫩，而且好夠味。日式咖喱汁唔辣，但好香。照慣例，碟飯佢一定食唔晒，要我幫佢處理埋，果然啲咖喱好香，唔辣，啱晒我呢個怕食辣的人。太太雖然係細食，但都好貪食，要過下小食口癮，所以，叫咗大將餃子、溏心蛋、木耳、腩肉叉燒。餃子煎得個底好脆，木耳好爽口，溏心蛋個流心蛋黃好滑，腩南叉燒有咬口。飲品叫咗果汁和可爾必思，都非常解渴。好! 食飽了，輪到我去Shopping。