Coffee Art

Open Now

Now Closed

同朋友去寶琳站食晚餐，選擇了Coffee Art, 餐廳裝修以open 形式，當沖咖啡時，香氣四溢。叫了兩個set，同樣選了餐湯，南瓜忌廉湯，南瓜湯好creamy又夠滑，味道帶點甜味，到主菜，我選擇了辣肉腸墨西哥意大利粉$68，辣肉腸同個汁好夾，個汁有啲辛辣味，帶辣香，加上用了新鮮車厘茄，夠鮮味，辣肉腸外皮脆口，好彈牙，都有好多片。朋友叫了黑松露雜菌忌廉汁意大利粉$78，陣陣黑松露香味，忌廉汁唔會太多，剛剛沾了蘑菇同意粉，意粉彈牙。飲品加了$28叫了杯熱mocha，見店員送上時步步為營，原來係咖啡師拉出美輪美奐的Latte Art，這個作品太靚了，圖案係海馬，簡直係幅畫，好靚，我從未見過這個圖案，太有創意了，味道方面，朱古力味香濃，餐牌上介紹了朱古力是來自比利時70%純朱古力，無糖，同咖啡味好夾，完全唔洗落糖，好香醇。另一杯餐飲係伯爵紅茶，一解辣肉腸的辣味及膩口感。價錢合理，抵食。