Video
Read full review
2008-07-27
9 views
星期六夜晚九點幾, 本來想食沙嗲王但等位等到癲, 行遠幾步見到呢間浜, 未食過, 諗住一試無妨(企o係門口的叔叔話歡迎比較, 後來發現這點極其諷刺)現場環境一落去到地庫, 除左第一眼覺得比想像中好之外, 其後是持續扣分原因:- 燈光昏暗, 燈罩積塵- 冇乜冷氣- 近門口處有陣酸叔臭味 (友人說是垃圾味)- 椅墊穿窿- 梳化那邊的陳設ok (雖然貼左d懶係有feel的asahi啤酒海報感覺反而有點格格不入), 但灰水牆那邊莫名其妙地貼左d cheap cheap膠牆紙有點令人發笑另外, 我地亦發現佢d落單紙是循環再用的 (應該係搵員工擦返d字)因為見到上一手 (甚至上兩手) 的鉛筆跡亦因為咁, d落單紙張張都巢掹掹>> 駛唔駛慳成咁呀....連同霉霉爛爛的menu以及好似o係夜冷執返黎(而且唔太清潔) 的餐具衰d講, 整體的格局只能夠用「寒酸」黎形容服務其實ok (可能我地冇要求d乜)飲品睇返其他留言先知原來水要收錢, 不過我地慣性都會叫野飲, 所以都無乜所謂我叫左杯「白桃梳打」, 出乎意料地ok友人的(穩陣派)百事可樂理所當然地多冰 (多於三分一杯)食物ok的「加州卷」
(企o係門口的叔叔話歡迎比較, 後來發現這點極其諷刺)
現場環境
一落去到地庫, 除左第一眼覺得比想像中好之外, 其後是持續扣分
原因:
- 燈光昏暗, 燈罩積塵
- 冇乜冷氣
- 近門口處有陣酸叔臭味 (友人說是垃圾味)
- 椅墊穿窿
- 梳化那邊的陳設ok (雖然貼左d懶係有feel的asahi啤酒海報感覺反而有點格格不入), 但灰水牆那邊莫名其妙地貼左d cheap cheap膠牆紙有點令人發笑
另外, 我地亦發現佢d落單紙是循環再用的 (應該係搵員工擦返d字)
因為見到上一手 (甚至上兩手) 的鉛筆跡
亦因為咁, d落單紙張張都巢掹掹
>> 駛唔駛慳成咁呀....
連同霉霉爛爛的menu
以及好似o係夜冷執返黎(而且唔太清潔) 的餐具
衰d講, 整體的格局只能夠用「寒酸」黎形容
服務其實ok (可能我地冇要求d乜)
飲品
睇返其他留言先知原來水要收錢, 不過我地慣性都會叫野飲, 所以都無乜所謂
我叫左杯「白桃梳打」, 出乎意料地ok
友人的(穩陣派)百事可樂理所當然地多冰 (多於三分一杯)
食物
ok的
「加州卷」正常品質正常味道, 比起其他魚類壽司新鮮 (但加州卷其實可以有幾唔新鮮?...)
「牛油焗什菌」真係全餐飯唯一稱得上好味的一碟
「板燒脆玉瓜」只能夠講脆玉瓜本身真係好好味既食物
(切脆玉瓜那把刀的木柄有濕濕冷冷既感覺, 有點兒核突)
唔ok的
「所有魚類壽司」唔新鮮
「咖哩飯」咸到食左一啖就冇再食落去
「牛柳粒」一部份過稔, 一部份過韌
「雞軟骨」油得過份, 而且唔熱
「吉列蠔」其實都唔係幾食到隻蠔, 裡面既野好似一泡水咁... (好彩冇肚痾)
「牛肉鍋」再次展現左呢間餐廳的「寒酸」特色, 有鍋, 有爐架, 但點解冇火? 咁不如你淨係俾個鍋我地好過
極度唔ok的
「菠菜三文魚飯」三文魚有骨 (一啖裡面有三條)
「白拖羅壽司」真係從來未食過咁難食既白拖羅, 我強行吞左, 純粹因為我尊重佢係食物...
其實食到後期我同我個friend係笑到肚到孿
因為真係冇諗過有間餐廳同佢d野食竟然可以係咁樣
真係新奇既體驗
不過當然只需感受一次就(受)夠了
Post