Video
Read full review
2022-11-28
860 views
大隻仔今次覓食嘅店舖就係💥 Le Colonial 💥 大隻仔今日去咗間裝修好靚，環境好舒服，感覺好似去咗旅行嘅餐廳。放假就係要好休閒地，Hea一個下午，食一個靚午餐。😍😍⋯⋯⋯⋯⋯⋯⋯⋯⋯⋯⋯⋯⋯⋯⋯5⭐️ 超班3⭐️ 一般1⭐️ 差味道 ⭐️⭐️⭐️⭐️抵食 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️⭐️⭐️⋯⋯⋯⋯⋯⋯⋯⋯⋯⋯⋯⋯⋯⋯⋯🔥 Le Lunch $148 （另加一服務費）（2前菜 + 1主菜 + 1飲品）🔥越式三寶飯（雞肉串燒/香茅豬扒/越式雞蛋肉餅）配白飯+ 豉油蠔油醬汁雞肉串燒雞肉串燒有肉汁但味淡，炭燒味好香，好突出。裝飾乾蔥碎唔夠乾身，微冧。香茅豬扒香茅豬扒薄切，好有豬味，唔係一般茶餐廳豬扒貨式，炭燒味好香，好突出，但燒到少少乾唔夠肉汁，配上蔥油，但味道都係偏淡，可能預會點醬汁，但豉油蠔油醬汁好鹹，難以入口。食到最後發現蔥油豬扒落油太多，蔥少，好彩用左豬扒骨氈起豬扒肉。豉油蠔油醬汁太鹹，最後要一碟春卷魚露代替更加好食。魚露甜酸味道啱啱好，唔搶喉，蒜蓉粒多，夠味，唔太辣。越式雞蛋肉餅豬肉粉絲蒸蛋餅，有少少老，少少乾，但味道夠，好食。🔥炸香茅雞翼單骨雞
💥 Le Colonial 💥
大隻仔今日去咗間裝修好靚，環境好舒服，感覺好似去咗旅行嘅餐廳。
放假就係要好休閒地，Hea一個下午，食一個靚午餐。
😍😍
⋯⋯⋯⋯⋯⋯⋯⋯⋯⋯⋯⋯⋯⋯⋯
5⭐️ 超班
3⭐️ 一般
1⭐️ 差
味道 ⭐️⭐️⭐️⭐️
抵食 ⭐️⭐️⭐️⭐️
服務 ⭐️⭐️⭐️⭐️
環境 ⭐️⭐️⭐️⭐️⭐️
⋯⋯⋯⋯⋯⋯⋯⋯⋯⋯⋯⋯⋯⋯⋯
🔥 Le Lunch $148 （另加一服務費）
（2前菜 + 1主菜 + 1飲品）
Le Lunch（另加一服務費）
$148
12 views
0 likes
0 comments
🔥越式三寶飯
（雞肉串燒/香茅豬扒/越式雞蛋肉餅）
配白飯+ 豉油蠔油醬汁
越式三寶飯
13 views
0 likes
0 comments
雞肉串燒
雞肉串燒有肉汁但味淡，炭燒味好香，好突出。裝飾乾蔥碎唔夠乾身，微冧。
香茅豬扒
香茅豬扒薄切，好有豬味，唔係一般茶餐廳豬扒貨式，炭燒味好香，好突出，但燒到少少乾唔夠肉汁，配上蔥油，但味道都係偏淡，可能預會點醬汁，但豉油蠔油醬汁好鹹，難以入口。食到最後發現蔥油豬扒落油太多，蔥少，好彩用左豬扒骨氈起豬扒肉。
豉油蠔油醬汁太鹹，最後要一碟春卷魚露代替更加好食。魚露甜酸味道啱啱好，唔搶喉，蒜蓉粒多，夠味，唔太辣。
春卷魚露
15 views
1 likes
0 comments
越式雞蛋肉餅
豬肉粉絲蒸蛋餅，有少少老，少少乾，但味道夠，好食。
越式雞蛋肉餅
16 views
0 likes
0 comments
🔥炸香茅雞翼
單骨雞翼，好酥脆，牛油味好香，有香茅味，黑椒味重，帶少少甜味，點春卷魚露可以冇咁油。牛油雞翼好出色，好好食。😋😋
🔥越式炸春卷
春卷炸得唔夠脆，一定要點魚露先冇咁油，配料有肉碎，芋頭，紅蘿蔔碎，木耳碎，粉絲。
炸香茅雞翼 + 越式炸春卷
11 views
0 likes
0 comments
🔥凍薄荷青檬茶
淡淡薄荷味，紅茶味唔太重，好夠凍。
凍薄荷青檬茶
10 views
0 likes
0 comments
溫馨提示：
環境好舒服，冷氣夠，微微音樂好舒服，可以休閒地好好Hea足一個下午，客人唔多，比較清靜，反而菲律賓員工講嘢有時太大聲。
Post
