Video
Read full review
2016-05-14
172 views
隨着舊區重建，昔日既唐樓開始逐漸變成新式既住宅大廈。一直俾人舊區、「草根」感覺既長沙灣近年多左唔少新派精緻餐廳進駐，唔再係茶餐廳、「粥粉麵飯」等等之流。位處福榮街既法國餐廳小店「Oui Oui Bistro」非常特別，黑色皮梳化、昏暗浪漫既燈光，以至灰色既水泥feature wall同附近既環境總係格格不入，令呢間隱世小店更加突出！一入小店就得到主廚Jeff既熱情款待，從言談間可以感受到佢對烹飪既passion。曾於澳洲工作既佢因熱愛烹飪，所以毅然放低工作前往法國藍帶廚藝學院進修，畢業後亦曾於中上環一帶既高級餐廳實習，呢個branding唔駛問對食物質素相當有保證啦！至於喺長沙灣、荔枝角一帶開餐廳既原因係希望可以借此減低舖租既支出，將更多成本投入食材方面，非常有心！Mini Pork Crepe ($128): 切到一粒粒既西班牙黑毛豬先放入crepe裹面，然後再淋上一個由HP Sauce、BBQ Sauce同埋cider撈埋一齊炮製而成既醬汁，再喺上面放上青瓜絲同椰菜絲，感覺有D似食北京填鴨時既感覺，將西式既烹調手法配合中式既presentation呢個fusion真係好特別！Foi
一入小店就得到主廚Jeff既熱情款待，從言談間可以感受到佢對烹飪既passion。曾於澳洲工作既佢因熱愛烹飪，所以毅然放低工作前往法國藍帶廚藝學院進修，畢業後亦曾於中上環一帶既高級餐廳實習，呢個branding唔駛問對食物質素相當有保證啦！至於喺長沙灣、荔枝角一帶開餐廳既原因係希望可以借此減低舖租既支出，將更多成本投入食材方面，非常有心！
Mini Pork Crepe ($128): 切到一粒粒既西班牙黑毛豬先放入crepe裹面，然後再淋上一個由HP Sauce、BBQ Sauce同埋cider撈埋一齊炮製而成既醬汁，再喺上面放上青瓜絲同椰菜絲，感覺有D似食北京填鴨時既感覺，將西式既烹調手法配合中式既presentation呢個fusion真係好特別！
Mini Pork Crepe
$128
8 views
0 likes
0 comments
Foie Gras Creme Burlee ($128): 平時食甜既Creme Burlee就食得多，但鹹既都係第一次食。Creme Burlee裹面鵝肝同蛋既比例大約四比一左右，Jeff表示呢個比例能夠食到Foie Gras既感覺之餘又唔會比佢喧賓奪主。當混合埋最上面果層混合左松露既焦糖一啖咬落去既時候，濃香喺嘴裹面久久不散！
Foie Gras Creme Burlee
$128
14 views
0 likes
0 comments
Lobster Risotto
$248
14 views
0 likes
0 comments
Chicken & Scallop Roll ($248): 雞卷裹面既既stuffing 包括scallop同埋魚等等既材料，入口時口感有D似薯蓉，但原來其實係由moose做既，係一個十分多功夫既菜，雞卷外面煎香之餘裹面卻非常軟滑，對廚師既技巧同經驗既要求都好高！
Chicken & Scallop Roll
$248
9 views
0 likes
0 comments
Banana & Hazelnut Crepe ($88): 由於整個準備過程都係喺bar枱後面進行，所以可以睇得一清二楚。榛子醬加香蕉呢個combination雖然看似common，但有時越簡單既野反而越難整，對廚師既技巧要求非常高！我特別鍾意crepe表面上既杏仁，同我舊年喺Paris街頭食果個真係幾乎一模一樣！
Banana & Hazelnut Crepe
$88
8 views
0 likes
0 comments
Poire au vin Rouge ($88): 呢個法國經典名菜相信唔駛點介紹，不過由於要30分鐘時間準備既關係，想食既朋友記住要預早講定呀！呢道非常傳統既法式甜品做法非常複雜，首先將cinnamon、rosemary、bay leaves同埋pepper等等既香料混合紅酒浸overnight，再喺食之前三十分鐘再攞返出黎煮30分鐘。一刀切落去既時候好明顯見到佢非常「入味」，唔知係咪因為用左紅酒既關係，食到尾聲既時候不知不覺間有D醉意，絕對係conclude呢一晚咁高質素既盛宴既最佳選擇！
Poire au vin Rouge
$88
8 views
0 likes
0 comments
總括黎講，呢度無論食物質素、服務態度，以至對食材既認識等等既「細微位」同港島中上環、SOHO一帶之流相比絕對有過之而無不及！除左食物質素之外，Chef同客人既engagement喺fine dining黎講都非常重要，即使星級酒店有時都未必做到呢一點！我非常欣賞呢度貫切「less is more」既精神重質不重量，務求同每一位客人都會有互動，相信假以時日呢度必定會成為香港另一個fine dining既landmark！P.S. 想食D唔同菜式既朋友最好先同餐廳pre-order咁就唔駛失望啦！
Post
