南小館Plus (Closed)

約咗朋友去 銅鑼灣希慎行街，行行吓肚餓就諗住搵嘢食，我哋呢見到南小館冇乜人排隊，就即刻攞位。我哋叫咗個冷盤拼盤，雞絲粉皮，鮮肉小籠包，醃篤鮮燒賣，同埋生煎包。冷盤拼盤可以叫四樣嘢去拼嘅，我哋就叫咗烤麩，肴肉，糖醋排骨同埋醉雞。烤麩好食，因為仲係有彈力，至於糖醋排骨味道都啱啱好，但係肴肉，就稍為喊咗啲，醉雞亦都冇乜味。雞絲粉皮就正常味道 ,小籠包都好多湯，個餡亦都有咬口，啲肉 冇搞到爛晒。燒賣就有啲失望啦，因為都冇乜餡料，好彩D 糯米都夠軟熟。生煎包都好好食，都有好多湯汁。總括嚟講，南小館 啲嘢有好食，亦有啲嘢係普普通通，不過喺銅鑼灣區，咁嘅價錢，咁嘅環境都算係咁架啦，希望佢D食物可以繼續進步啦。