Video
Read full review
2016-03-10
405 views
要踢走Monday blue最直接就係放工去食好嘢！朋友睇中左呢間Chateau Aqua嘅新鮮生蠔platter好耐！好似話單叫都要成$65隻架！platter 有半打$318 同一打$628 ! 咁真係叫platter抵啲喎～ Oyster Platter (6pc) $318店員介紹說所有生蠔均來自法國。而且仲係即叫即開！會保留返蠔內的海水，也不會用水清洗，保證做到每隻都新鮮可口，原汁原味。我地揀左以下三款生蠔 :- Ostra Or 好好好新鮮!! 因為保留左殼內嘅海水，所以較出面一般食到嘅重鹹味同礦物質味。質感鮮美爽口，十分滑溜! 呢個嘅after taste比較short lasting and clear finish.- Pousses外形較修長和窄身，比起Ostra Or較重泥土和礦物味，口味較濃after taste亦較為持久， 感覺比Ostra Or更重海水味。但係因為夠新鮮，食落口好fresh好creamy， 好似啱啱喺海到撈上黎即開即食咁。- Special Claire我反而比較喜歡這品種，海水和礦物味比前兩款輕。新鮮肥美之餘連柱位都好有咬口，好Crea
要踢走Monday blue最直接就係放工去食好嘢！朋友睇中左呢間Chateau Aqua嘅新鮮生蠔platter好耐！好似話單叫都要成$65隻架！platter 有半打$318 同一打$628 ! 咁真係叫platter抵啲喎～
Oyster Platter (6pc) $318
店員介紹說所有生蠔均來自法國。而且仲係即叫即開！會保留返蠔內的海水，也不會用水清洗，保證做到每隻都新鮮可口，原汁原味。
我地揀左以下三款生蠔 :
- Ostra Or 好好好新鮮!! 因為保留左殼內嘅海水，所以較出面一般食到嘅重鹹味同礦物質味。質感鮮美爽口，十分滑溜! 呢個嘅after taste比較short lasting and clear finish.
- Pousses外形較修長和窄身，比起Ostra Or較重泥土和礦物味，口味較濃after taste亦較為持久， 感覺比Ostra Or更重海水味。但係因為夠新鮮，食落口好fresh好creamy， 好似啱啱喺海到撈上黎即開即食咁。
- Special Claire我反而比較喜歡這品種，海水和礦物味比前兩款輕。新鮮肥美之餘連柱位都好有咬口，好Creamy & juicy.
Smoked salmon with baby asparagus $68
- 首先啲沙律菜好爽甜新鮮，餐廳更特別選用比較幼身的泰國蘆筍，口感好嫩而且完全冇渣，好好食。
- 而煙三文魚則每塊都帶有濃郁的煙燻香味，惹味又creamy! 真係食多幾塊都唔會厭。
- 就連底部嘅沙律醬同黑醋醬汁都做得好好 ~ 同食物相當配合，令人胃口大開。
Pan Fried Foie Gras with Black Truffle Pate $88
- 厚切香煎鵝肝配黑松露醬! 塊鵝肝真係大到好似塊扒咁! 煎到表面焦糖色帶小小燶，油香四溢，外層香脆惹味，內裡軟滑而充滿油份，而且還是微暖的，感覺好幸福呀!
- 同樣地，沙律菜好清新，可以清一清鵝肝留在口腔的油膩感。另外底部有數片煎香了的蘋果片，又幾特別喎~ 煎香左嘅蘋果片表面帶有小小果糖，食落甜甜地，但中間依然保持爽口，做到好食又清爽，用黎配鵝肝呢個idea幾好~
Baked codfish in Provence Style $268- 呢道烤鱈魚柳做得相當出色! 異常地鮮嫩美味。鱈魚柳外皮焗到金黃香脆，再撤上炸脆粒粒令口感更加豐富。 而魚肉則是又白又嫩，好似係清蒸出來的質地一樣。肉質非常非常滑溜! 加上魚皮本身的油份，簡直是入口即溶! 食得出魚肉好新鮮，扒開後片片分明又夠juicy *v* 配返個意大利香草汁，超級美味 ! 另外呢間餐廳嘅伴菜真係做得幾好，一點都唔馬虎。而呢碟嘅焗薯真係好香口好好食 ! 如果有得單點我應該會點 XDD
Porcini Risotto $188
- 嘩... 牛肝菌意大利飯配大大塊parma ham...好邪惡呀...坦白講係好啱我口味，有時去D正宗意大利餐廳食risotto都會覺得有點太生太硬，而呢間嘅廚師為左迎合返香港人口味，會專登煮得腍D，粒粒都軟棉棉好有咬口，啱晒我。呢碟意大利飯份量唔算好大份，但就用料十足，大大粒的雜菌幾乎每一啖都有。而D菇仲要係好新鮮多汁，就好似係剛啱採摘咁，好有菇味。個白汁就煮得好香濃，吸收晒牛肝菌同其他雜菌嘅香味，重點係個汁唔會煮得好乾，足夠包圍每一粒米飯之餘仲有小小淨。真係每一啖飯都好香好creamy !
而另一賣點 - 特大Parma ham略為鹹左D啦，有小小搶左意大利飯嘅色彩。建議ham嘅份量可以細返D，或者轉用乾嘅ham可能會好小小。再唔係塊ham可以分開上，配返塊哈密瓜，食食下飯又咬一啖感覺應該會幾正 XDD
Tiramisu $58
- 有別於一般的tiramisu，呢款中間有較多whip cream，口感也偏甜，缺了點咖啡粉和rum酒味。但都算唔錯好食。
侍應們都非常熱情友善，服務我們的男孩會不時來詢問用餐情況、食物質素等。而且很樂意提供點菜建議，令整個用餐環境很舒適休閒，輕鬆愉快。
Post
