河內越式料理 (西洋菜南街)

Open Now

Now Closed

哩間越南野店仔細細唔太起眼, 但係D野又幾好食, 晚市時段都幾full下。生熟牛肉湯河食哩D最緊要啖湯, 清甜夠熱有肉香, 飲落好味又順喉。生牛肉好嫩, 河粉滑溜，食到一半加埋青檸汁同辣椒粒入去, 又係另一種美味。招牌越式豬扒飯豬扒醃得入味, 乾身得黎唔會柴皮, 咬落有彈性有肉香, 拌飯一流。另外小食都唔錯, 軟殼蟹米紙卷包得札實唔會一夾就散, 加埋脆脆地既軟殼蟹, 一啖入口有多重口感!越式春卷炸得香口脆卜卜, 加多碟菜都係$20有大大碟, 抵食。另外野飲都幾多款式揀, 檸檬蜜糖薑茶同埋鮮芒果西米露都好好飲又夠味。