Video
Read full review
2017-08-17
410 views
樓上店・已經唔再係私房菜專利了。現今愈來愈多餐廳都選擇開係商業大廈，銅鑼灣就係其中一個充滿餐廳大廈既地方。香港稱為美食之都，一棟大廈可能就會有齊世界各地既菜式。今日黎到 The L. Square 5/F 既 The Grill Room 因為事先訂位知道用餐分左時段，識揀一定揀18:00-20:00。一開𨋢門就係餐廳，雖然地方唔大，大部分都係枱貼枱，但設計感依然十足。入座時被安排坐係中間位置，睇得出與鄰座十分靠近，遇上呢款枱通常食飯都唔會多講野，因為好怕人地聽到我講野，又怕人地講野太大聲。所以基本上食完就會即刻埋單。靠近牆壁有高腳枱，3-4人座位就感覺有私人空間得多，可以邊食邊傾計。窗口位玻璃窗配復古造型既燈好靚，但如果外面既境唔係大廈就好了。其實我係被BEEF CHECK牛面肉吸引黎的，所以今日就點左個SET DINNER( 1 MAIN+ 1 ENTREES+ 1 DESSERT)甘我就點左紅酒黑松露野菌燴牛面肉配法式薯蓉 ($348) ＋巴馬火腿溫泉蛋配黑松露筍沙律＋抺茶奶凍。套餐唔包飲品，如果有需要可以另外加$88有2杯飲品。可以選擇既飲品大部分都係酒精類別(啤酒&紅白酒&c
香港稱為美食之都，一棟大廈可能就會有齊世界各地既菜式。
今日黎到 The L. Square 5/F 既 The Grill Room
因為事先訂位知道用餐分左時段，識揀一定揀18:00-20:00。
一開𨋢門就係餐廳，雖然地方唔大，大部分都係枱貼枱，但設計感依然十足。
入座時被安排坐係中間位置，睇得出與鄰座十分靠近，遇上呢款枱通常食飯都唔會多講野，因為好怕人地聽到我講野，又怕人地講野太大聲。所以基本上食完就會即刻埋單。
靠近牆壁有高腳枱，3-4人座位就感覺有私人空間得多，可以邊食邊傾計。
窗口位玻璃窗配復古造型既燈好靚，但如果外面既境唔係大廈就好了。
其實我係被BEEF CHECK牛面肉吸引黎的，所以今日就點左個SET DINNER( 1 MAIN+ 1 ENTREES+ 1 DESSERT)甘我就點左紅酒黑松露野菌燴牛面肉配法式薯蓉 ($348) ＋巴馬火腿溫泉蛋配黑松露筍沙律＋抺茶奶凍。
套餐唔包飲品，如果有需要可以另外加$88有2杯飲品。
可以選擇既飲品大部分都係酒精類別(啤酒&紅白酒&cocktails&mocktails)唔好酒既我同友人就揀左飲Mocktails
BEACH BABE / P&O KICK
18 views
0 likes
0 comments
睇落去以為會好薄荷好清新，但可能加得太多荔枝味糖水，太甜了，完全蓋過青檸同薄荷味。
右邊既係 P&O KICK(PEACH & ORANGE & GINGER ALE & LEMON)
聽落好似FRUIT PUNCH，其實只係加左汽水既雜果賓治，但都唔會太甜。
ASPARAGUS & TRUFFLE SALAD 巴馬火腿溫泉蛋配黑松露筍沙律精緻既擺盤，巴馬火腿有3塊，上面有蔥花 松露碎。
巴馬火腿溫泉蛋配黑松露筍沙律
30 views
0 likes
0 comments
但唯一不足既係火腿無咩味，唔夠咸香。
紅酒黑松露野菌燴牛面肉配法式薯蓉
50 views
0 likes
0 comments
好貼心既一道菜式，雖然係肉類為主，但怕客人無菜食，係牛面肉下面放有露筍以及大量蘑菇。
唔好睇圖以為牛面肉因爲矜貴就份量會好少。
但其實圖中係一碟牛面肉山，大大小小一共有5塊!!!!!!!
紅酒黑松露野菌燴牛面肉配法式薯蓉
44 views
0 likes
0 comments
每件牛肉都沾滿左忌廉蘑菇汁，除左牛味濃重好入味，幾乎入口即溶。
我要比100分呀！！！！！！
呢碟我地連蘑菇同汁都清哂呀
除左肉之外，我地重點左意粉同小食。
香炒新鮮蜆仔配墨汁青檸扁意粉
$128
35 views
0 likes
0 comments
我一直對墨汁情有獨鍾。
呢碟意粉不帶汁，保護最原始既味道，軟硬適中煮得岩岩好。
但可能淋上左煮蜆既少許湯汁，又唔會淡而無味。
重點黎啦
香炒新鮮蜆仔配墨汁青檸扁意粉
$128
35 views
0 likes
0 comments
而且食落鮮甜，無沙。真係
食完2個MAIN都未夠飽，就加點左個SIDE。
黑松露鹽薯條
$48
30 views
0 likes
0 comments
今次唔係松露沙律醬啦而係真真正正既松露鹽.....
新鮮炸起熱辣辣，脆卜卜既外皮。而且份量真係多，$48真係完全值得叫。
而且一D都唔咸，食完大量碳水化合物，飽到上心口啦
抺茶奶凍
28 views
0 likes
0 comments
最開心既甜品時間，唔係太愛抺茶既我有驚喜~~
奶凍唔算太甜，好滑，而且係碗底位置有一層薄薄既抺茶粉。
每啖食到最低都有濃濃既茶味！！
而且加埋脆脆一齊食，炸炸聲好得意。
額外多口講句，我見到隔離枱叫左燒雞同豬腩肉，超大份呀
而且睇起黎好好食，所以我決定！下個月要再黎食
但一定一定要預先BOOK位呀，因為今日閒日都FULL哂。
Post
