Video
Read full review
2018-03-03
192 views
自從有小朋友之後，兩公婆都無咩拍拖，家下個女大個左少少，我地可以放心交佢俾工人姐姐，自己放工去行街兼撐枱腳Sweet Sweet!尖沙咀食店林立,見呢間西班牙餐廳好評唔錯, 一於訂位試下。 我地食飯時間去到, 都已經八成滿座,咁呢間應該唔錯喎。餐廳佈置好有格調同品味, 一邊有吧枱, 好啱打工仔放工Happy Hour。另一邊有餐枱,仲有D座位善用左餐廳的角落, 變左好似包廂咁, 下次俾我地呢D八婆仔去聚會講是非一流呀,可以細聲講大聲笑都唔怕被人偷聽或嘈到其他客人 。而且餐廳燈光昏暗,音樂夠澎湃,好有想當年兩公婆去酒吧 Social 的感覺! 即刻成件事令到個人後生咗! （好多選擇呀！）咁好氣氛，梗係要點返杯Sangria 啦！老公要傳統口味，我唔多飲酒，如果要飲，我會揀白酒，所以叫左杯白酒Sangria, 老公飲過話白酒口味甜甜地易入口，真係啱晒我！因為唔係成日食西班牙菜, 所以店員好有禮貌同我地講解,最後由於我地心思思想試多D食物, 所以叫3個小食,1個主菜同1個甜品, 小食有焦糖無花果鵝肝醬脆米餅, 牛油果蟹肉卷配三文魚子, 西班牙烤乳豬件配自家制酸椰菜,薯蓉。 主菜係黑松露野菌
尖沙咀食店林立,見呢間西班牙餐廳好評唔錯, 一於訂位試下。 我地食飯時間去到, 都已經八成滿座,咁呢間應該唔錯喎。
餐廳佈置好有格調同品味, 一邊有吧枱, 好啱打工仔放工Happy Hour。另一邊有餐枱,仲有D座位善用左餐廳的角落, 變左好似包廂咁, 下次俾我地呢D八婆仔去聚會講是非一流呀,可以細聲講大聲笑都唔怕被人偷聽或嘈到其他客人 。而且餐廳燈光昏暗,音樂夠澎湃,好有想當年兩公婆去酒吧 Social 的感覺! 即刻成件事令到個人後生咗!
（好多選擇呀！）
咁好氣氛，梗係要點返杯Sangria 啦！老公要傳統口味，我唔多飲酒，如果要飲，我會揀白酒，所以叫左杯白酒Sangria, 老公飲過話白酒口味甜甜地易入口，真係啱晒我！
因為唔係成日食西班牙菜, 所以店員好有禮貌同我地講解,最後由於我地心思思想試多D食物, 所以叫3個小食,1個主菜同1個甜品, 小食有焦糖無花果鵝肝醬脆米餅, 牛油果蟹肉卷配三文魚子, 西班牙烤乳豬件配自家制酸椰菜,薯蓉。 主菜係黑松露野菌意大利扁麵, 甜品就要西班牙小油條配朱古力醬。
好欣賞小食的配搭同擺設, 未食已經攞晒分! 先試無花果鵝肝醬脆米餅,先食放係最上面的焦糖爆谷, 甜甜的焦糖味,再食到 配埋鵝肝醬的鵝油羶香味同無花果醬的酸酸甜甜, 將鵝肝醬濃郁的after taste淡化再換來清新的餘香, 再配埋脆卜卜的米餅, 口感多層次同豐富, 爆谷同米餅前後呼應, 唔錯唔錯
跟住到我最期待的牛油果蟹肉卷配三文魚子, 嘩嘩嘩~ 用金薄包住牛油果蟹肉,夠晒貴氣!!! 店員話呢個金薄皮係份子料理黎,用金薄同海帶一齊整出黎, 估唔到我人生第一次份子料理竟然會係呢度食到 , 食落真係夠晒特別, 因為材料好新鮮, 我以為自己去左日本餐廳食!
然後到西班牙乳豬仔~! 果然係乳豬仔,皮薄又夠香脆, 好似脆皮雪條層皮咁薄! 同港式乳豬較乾身且硬的脆法唔同, 一流! 再食啖啖鮮嫰的乳豬肉, 火候啱啱好, 豬肉唔會太老同太燶, 呢個小食用黎配啤酒一流,想即場嗌多一碟呀~~~
主菜黎到了，小食咁出色，主菜都唔會差，黑松露意粉質地彈牙，黑松露的味道夠晒香，醬汁夠豐富！
甜品方面，我地食店員推介的西班牙小油條，一碟有6條， 表面灑滿砂糖，脆口又熱辣辣，配埋黑朱古力醬，呢一刻我已經不敢去想脂肪是如何累積的了！ 食到呢度已經飽飽地，打包埋餘下的4條，滿足的返屋企了！
Post
