Video
Read full review
2021-07-15
1141 views
今日約左友人黎堅尼地城食lunch，友人提議不如黎Lex Coffee，果然係好提議，之前次次黎食完感覺都好暢快。呢間cafe環境真係堅離地，樓底足有兩層高，空間感十足，裝修精緻重藝術感，入到黎已經覺得別有洞天，同外面條街格格不入！平日午餐時間有Lunch Special餐牌，有三款主菜揀（今次全部都係意大利麵或飯），包湯或沙律，同Hot Americano 或 Honey Lime。可以加$15升級其他咖啡，加$10升級大杯或轉凍飲，加$38升級有機熱茶，同加$38要德國芝士蛋糕。我地各叫左一個午餐分享，另外再叫多個漢堡些牙。是日濃湯配十穀麵包（跟餐）是日濃湯係大蒜薯仔湯，好滑都夠濃。十穀麵包一細塊，少少脆，上面加左少少橄欖油。烤紅菜頭柑橘沙律配檸檬香醋（跟餐）烤紅菜頭柑橘沙律配檸檬香醋主要係新鮮沙律綠葉菜，加上紅菜頭粒，車厘茄，橙粒，Brie芝士塊，同松子，材料豐富。個檸檬香醋汁好酸。呢個沙律唔油膩，非常健康。招牌波士頓龍蝦意大利麵 $198 另加一已經唔係第一次食招牌波士頓龍蝦意大利麵，絕對要encore。波士頓龍蝦半隻連頭，好易用刀叉就起到肉，仲有一隻龍蝦鉗肉已去殻。今次嘅波士
呢間cafe環境真係堅離地，樓底足有兩層高，空間感十足，裝修精緻重藝術感，入到黎已經覺得別有洞天，同外面條街格格不入！
平日午餐時間有Lunch Special餐牌，有三款主菜揀（今次全部都係意大利麵或飯），包湯或沙律，同Hot Americano 或 Honey Lime。可以加$15升級其他咖啡，加$10升級大杯或轉凍飲，加$38升級有機熱茶，同加$38要德國芝士蛋糕。我地各叫左一個午餐分享，另外再叫多個漢堡些牙。
是日濃湯配十穀麵包（跟餐）
是日濃湯係大蒜薯仔湯，好滑都夠濃。十穀麵包一細塊，少少脆，上面加左少少橄欖油。
烤紅菜頭柑橘沙律配檸檬香醋（跟餐）
烤紅菜頭柑橘沙律配檸檬香醋主要係新鮮沙律綠葉菜，加上紅菜頭粒，車厘茄，橙粒，Brie芝士塊，同松子，材料豐富。個檸檬香醋汁好酸。呢個沙律唔油膩，非常健康。
招牌波士頓龍蝦意大利麵
$198
22 views
0 likes
0 comments
招牌波士頓龍蝦意大利麵 $198 另加一
招牌波士頓龍蝦意大利麵
$198
21 views
0 likes
0 comments
已經唔係第一次食招牌波士頓龍蝦意大利麵，絕對要encore。波士頓龍蝦半隻連頭，好易用刀叉就起到肉，仲有一隻龍蝦鉗肉已去殻。今次嘅波士頓龍蝦真係好正，我從來冇食過咁好食嘅龍蝦。首先肉質超鮮甜嫩口唔韌，簡單用黑椒調味就夠。最厲害係蝦頭爆膏，有橙色鹹蛋黃同黃色滑溜蝦膏，好滿足！龍蝦下面有唔少幼身扁意大利麵，加左唔少洋蔥粒加添口感，汁係夠味，如果龍蝦味濃啲更好。可能我哋放耐左先食，意大利麵已經有啲稔左。伴碟有兩粒車厘茄同食用花。
招牌波士頓龍蝦意大利麵
$198
13 views
0 likes
0 comments
現刨黑松露蘑菇雞肉意大利飯 $158 另加一
意大利飯幾有咬口。好多唔同種類菇菌而份量好多，同意大利飯一齊食口感豐富。雞肉係雞胸肉，好瘦不過唔算鞋。兜飯帶微微嘅黑松露味，如果黑松露味再濃啲就正啦。面頭例牌用左食用花裝飾下。
招牌牛肩肉漢堡 $178 另加一
招牌牛肩肉漢堡
$178
16 views
0 likes
0 comments
另外叫左個招牌牛肩肉漢堡分享。牛肩肉漢堡好大個！
招牌牛肩肉漢堡
$178
16 views
0 likes
0 comments
最上面塊包下面有太陽蛋，非常搶眼。然後下面係兩塊鹹香煙肉，主角漢堡扒同大大塊車打芝士。再下面係青瓜片，番茄片，同沙律菜。漢堡扒好厚身，雖然無得揀生熟度，但係厨師整得幾好，外面熟透而中心仲有少少生，肉汁豐富唔會太乾。麵包明顯烤過，香脆鬆軟。厨師體貼將四條酸青瓜另放。伴碟唔係一貫既薯條，而係比較健康既粟米片，不過非常重味。
招牌牛肩肉漢堡
$178
14 views
0 likes
0 comments
Honey Lime （跟餐）（左）
首先套杯幾美觀。Honey Lime係一貫好飲。青檸同蜜糖比例平衡得好好，唔會過甜。
蝶豆花蜂蜜青檸氣泡水 （跟餐加$10）（右）
原來熱青檸水升級會變左蝶豆花蜂蜜青檸氣泡水。首先個紫色好靚，味道方面都唔錯，完全唔會過甜但解渴。
今餐特別鍾意招牌波士頓龍蝦同招牌牛肩肉漢堡。我鍾意呢度Lunch Special餐牌定期會轉，期待下次再黎試新野。
Post
