Favilla Cafe (Closed)

上午十一時多想食個輕食Brunch，發現呢間小小咖啡店開左門，入面座位不多，大概只有5-6張枱。餐牌食物款式亦不多，有全日早餐，亦幸好仲有早餐輕食餐。餐牌小心思，係用木牌刻上飲品清單，咖啡有基本Black or White，豆仲有得揀Fruity or Nutty。個人喜歡飲Flat White，半價轉飲，揀左Nutty風味。咖啡杯用小木盒裝住，有特色亦可以防杯太熱(可能杯較薄，剛到時有點燙)。萫茄牛油果碎蛋吐司(可以揀吐司/酸種包/牛角包)，當日胃口不太好，所以揀左吐司。吐司上塗滿牛油果醬，有小小檸檬味，更開胃。