Video
Read full review
2022-01-25
174 views
《科學園》對科學沒有興趣，交通又唔方便，完全諗唔到今日會黎科學園。因為科學園隔離有個新樓盤，吸引咗屋企人入嚟睇樓！咁睇完樓就周圍行吓，原來科學園裏邊唔係淨係做科學🤣裏面都有幾多嘢食，而且種類都幾多！有中餐有西餐有快有韓國嘢等等⋯⋯而且餐廳普遍地方都好大，坐得好舒服！最後我哋揀咗一間有室外同埋室內嘅西餐廳，室外位置對住一塊綠色嘅草地，感覺好舒服，可以坐喺度食嘢之餘，仲可以比小朋友跑來跑去放下電！餐廳裏邊枱同枱嘅距離非常充足，座位都非常之寬躺，呢一點比市區嘅餐廳做得好好多！睇返餐牌原來佢唔係淨係西餐，有少少韓國嘢有少少泰國嘢咁樣！經典白酒忌廉藍青口 $138青口肉質爽甜，同白酒忌廉汁好夾，青口嘅份量可以，但忌廉汁略嫌少咗一啲，因為呢個仲配左幾塊多士，如果多啲忌廉汁多士就可以吸多d汁，無咁乾硬！美味拼盤 $158呢個拼盤有晒大家想食嘅嘢，有炸豆腐、有雞翼、有肉丸仲有炸魷魚圈！樣樣都炸到非常之脆口，其中覺得最正就係魷魚圈同豆腐！外脆內軟，口感極之豐富！香烤厚切豬鞍 $188真係好厚切🤣切開之後肉係程粉紅色，咬落唔會太鞋，出邊有啲真係好似食紙皮咁，但係呢個既肉裏邊會咬一下都會有肉汁爆出黎👍🏻如果
最後我哋揀咗一間有室外同埋室內嘅西餐廳，室外位置對住一塊綠色嘅草地，感覺好舒服，可以坐喺度食嘢之餘，仲可以比小朋友跑來跑去放下電！餐廳裏邊枱同枱嘅距離非常充足，座位都非常之寬躺，呢一點比市區嘅餐廳做得好好多！睇返餐牌原來佢唔係淨係西餐，有少少韓國嘢有少少泰國嘢咁樣！
經典白酒忌廉藍青口 $138
青口肉質爽甜，同白酒忌廉汁好夾，青口嘅份量可以，
但忌廉汁略嫌少咗一啲，因為呢個仲配左幾塊多士，
如果多啲忌廉汁多士就可以吸多d汁，無咁乾硬！
美味拼盤 $158
呢個拼盤有晒大家想食嘅嘢，有炸豆腐、有雞翼、有肉丸仲有炸魷魚圈！
樣樣都炸到非常之脆口，其中覺得最正就係魷魚圈同豆腐！外脆內軟，口感極之豐富！
香烤厚切豬鞍 $188
真係好厚切🤣切開之後肉係程粉紅色，咬落唔會太鞋，出邊有啲真係好似食紙皮咁，
但係呢個既肉裏邊會咬一下都會有肉汁爆出黎👍🏻
如果覺得味道唔夠可以點埋佢提供嘅醬汁，會令豬鞍更加惹味。
黑松露蘑菇忌廉汁天使麵 $118
黑松露芳香撲鼻，忌廉汁creamy，
蘑菇嘅份量同天使麵嘅份量差唔多1:1，啖啖都食到磨菇，口感同味道都非常豐富！
焗朱古力棉花糖碟 $58
呢個小朋友就最鍾意，軟滑嘅棉花糖，加埋香甜嘅朱古力，
小朋友食到停唔到口，但大人就覺得比較甜！
Flat white $44 & Crème brûlée cappuccino $42
Post
