No. 5 Lounge (Closed)

喺觀塘商業中心一帶見完客，附近好多餐廳。今次去嘅呢間吧就係位於一個類似food court之中。呢個area有好多嘅食物，包括burger ，中式餐廳，同埋bar。夜晚更加會有live music！當日有一個男結他手，整晚都唱緊唔同嘅廣東歌同英文歌，氣氛唔錯！餐牌上面嘅選擇都幾多，我哋叫咗一杯long Island iced tea，一杯nothing，另外嗌咗一個爆谷。爆谷係由爆谷機新鮮爆出嚟，相當之新鮮同埋香甜！環境令人坐得舒適，桌上更加有一盞燈點綴，感覺幾浪漫。 仲有projector可以睇波，可以約埋男朋友或女朋友一齊，又可以同波友一齊嚟睇波。 long island iced tea感覺好多酒精，絕對無慳。飲到一半已經feel到少少醉。我嘅酒量都唔錯，但係依杯嘢嘅酒精濃度都相對地比香港其他bar多，酒精味濃。Nothing都係一樣，雖然係一杯較為入門級嘅甜cocktail，但係都感覺到酒精濃度頗高， bartender絕對冇孤寒！