Video
Read full review
2017-10-19
1096 views
尖沙咀永遠都係約晚飯既勝地，因為無論對於香港定九龍既朋友，番屋企都比較方便😂今晚約左d舊同事係尖沙咀晚飯，全女班既關係當然就係揀d樓上cafe傾下計啦，咁岩係OpenRice search 到呢間有live music既小店，好難得cafe都會有live band，又見到d review唔錯，就揀左呢間「騷」🤗餐廳係一座舊大廈既9樓，size唔大只能容納大約三十零人，入到去感覺都幾warm。一入去就見到個mini stage，我地被安排坐正係stage 前個張枱，同個singer好近可以話係零距離😂呢到既drinksd名好得意，我order左呢杯叫熱戀中的廢青😂 佢其實係洛神花特飲，酸酸地好開胃，店員羅佢黎個時仲講笑咁這我 廢青丫😂幾個女仔唔少得既一定係沙律，呢個鴨胸沙律份量偏少🤔 菜都唔多條，預好左比你成份咁吉黎食，每片鴨胸跟一塊青瓜一片生菜一片椰菜。鴨胸都幾好食既。叫左個忌廉蟹肉意粉，面個d係堅蟹肉唔係蟹柳，忌廉汁都調得唔錯唔會太稠，可惜意粉份量都係偏少，每人一啖仔就無lu👋🏻 炸魚手指有4條，岩岩好一人一條😂 外皮炸得好脆，可惜魚肉太實，食落口感有d似咬象膠🤔🤦🏻♀️薯條既份量對
今晚約左d舊同事係尖沙咀晚飯，全女班既關係當然就係揀d樓上cafe傾下計啦，咁岩係OpenRice search 到呢間有live music既小店，好難得cafe都會有live band，又見到d review唔錯，就揀左呢間「騷」🤗
餐廳係一座舊大廈既9樓，size唔大只能容納大約三十零人，入到去感覺都幾warm。
一入去就見到個mini stage，我地被安排坐正係stage 前個張枱，同個singer好近可以話係零距離😂
呢到既drinksd名好得意，我order左呢杯叫熱戀中的廢青😂 佢其實係洛神花特飲，酸酸地好開胃，店員羅佢黎個時仲講笑咁這我 廢青丫😂
熱戀中的廢青
$68
29 views
0 likes
0 comments
幾個女仔唔少得既一定係沙律，呢個鴨胸沙律份量偏少🤔 菜都唔多條，預好左比你成份咁吉黎食，每片鴨胸跟一塊青瓜一片生菜一片椰菜。鴨胸都幾好食既。
煙鴨胸沙律
$78
23 views
0 likes
0 comments
叫左個忌廉蟹肉意粉，面個d係堅蟹肉唔係蟹柳，忌廉汁都調得唔錯唔會太稠，可惜意粉份量都係偏少，每人一啖仔就無lu👋🏻
蟹肉忌廉意粉
$108
24 views
0 likes
0 comments
炸魚手指有4條，岩岩好一人一條😂 外皮炸得好脆，可惜魚肉太實，食落口感有d似咬象膠🤔🤦🏻♀️
魚手指
$48
18 views
0 likes
0 comments
薯條既份量對比起其他食物都算多，炸得又夠脆，所以我地最後聽歌個時encore嗌多左份🤣
原味薯條
$38
14 views
0 likes
0 comments
香蒜巴馬火腿意粉可能無咩汁，味道偏淡少少，意粉上既Parma ham偏瘦，岩曬怕肥既女士們💃🏻
香蒜巴馬火腿意粉
$98
16 views
0 likes
0 comments
我地仲share左個all day breakfast，賣相唔算特別吸引，食物種類唔多，份量比較少，值得一提既係d茹炒得好味無up味，薯餅夠脆👌🏻
All day breakfast
$98
12 views
0 likes
0 comments
四個人埋單都要$1200，以食物質素同樓上cafe黎講絕對唔便宜。
不過考慮到有live music聽，駐場歌手都唱得幾好，仲要由8點至10點唱足兩個鐘，又有得寫紙仔點歌，當比多少少錢去聽歌都ok既☺️ 個晚既歌手主要唱台灣歌為主。
係尖沙咀區既樓上cafe，坐得舒服又有live music聽，選擇都應該無幾多間，三五知己想聽下歌飲下野食下snack，[騷]都算係唔錯既選擇👍🏻👍🏻順帶一提，店員態度好好，仲會講下笑，都幾warm嫁^^
Post
