Video
Read full review
2021-01-03
2343 views
❀ GRAM • The Gourmet #中環 ❀❗️LKF新開靚爆意式餐廳 食物好味兼抵食魚子醬意粉❗️——————————————————位於蘭桂坊新開嘅意大利餐廳，菜式有種fine dining嘅感覺，但lunch set ~ $300賣到單，仲有caviar天使面，而且水準都唔錯，的確有驚喜😍另外餐廳嘅裝修亦都好靚，聽講夜晚仲有clubbing，所以內裏空間感超大，有張吧枱係中間，四周係一個個闊落嘅卡位，型格摩登💕。.可以致電或者WhatsApp訂位，不過當日星期六兩點左右去到唔算太滿。另外見嚟到嘅人幾乎都會嗌支酒，唔好酒嘅我哋就冇嗌到，但而家酒吧冇得開，鍾意飲酒嘅可以考慮吓嚟嘆吓👍🏻。.✷𝑀𝑒𝓃𝓊✷有two course $238 或者three course $298選擇，但見佢個甜品唔算好特別，而且聖誕都已經食咗好多甜品，所以今次就淨係揀咗two course $238。☞ Lunch set menu $238♥ Starter ✦ 凍天使麵配昆布及Imperial Ossetra魚子醬 +$98網上見到呢個魚子醬頭盤性價比非常高🔥雖然實物比想像中細少少，大約手掌心咁，
❗️LKF新開靚爆意式餐廳 食物好味兼抵食魚子醬意粉❗️
——————————————————
位於蘭桂坊新開嘅意大利餐廳，菜式有種fine dining嘅感覺，但lunch set ~ $300賣到單，仲有caviar天使面，而且水準都唔錯，的確有驚喜😍另外餐廳嘅裝修亦都好靚，聽講夜晚仲有clubbing，所以內裏空間感超大，有張吧枱係中間，四周係一個個闊落嘅卡位，型格摩登💕。
.
可以致電或者WhatsApp訂位，不過當日星期六兩點左右去到唔算太滿。另外見嚟到嘅人幾乎都會嗌支酒，唔好酒嘅我哋就冇嗌到，但而家酒吧冇得開，鍾意飲酒嘅可以考慮吓嚟嘆吓👍🏻。
.
✷𝑀𝑒𝓃𝓊✷
有two course $238 或者three course $298選擇，但見佢個甜品唔算好特別，而且聖誕都已經食咗好多甜品，所以今次就淨係揀咗two course $238。
☞ Lunch set menu $238
♥ Starter
✦ 凍天使麵配昆布及Imperial Ossetra魚子醬 +$98
網上見到呢個魚子醬頭盤性價比非常高🔥雖然實物比想像中細少少，大約手掌心咁，但的確值得一試！
凍天使麵條條彈牙，本身已經索滿昆布清湯嘅香氣，加埋魚子醬，嗰種鮮味真係齒頰留香，呢個價錢來講真係好抵！
味道: 4.4/5
凍天使麵配昆布及Imperial Osietra魚子醬
62 views
2 likes
0 comments
凍天使麵配昆布及Imperial Osietra魚子醬
78 views
1 likes
0 comments
.
✦ 意式藍紋芝士及苦苣沙律配蜜糖芥末醬
雖然只係沙律但都幾出色😚。
欣賞佢加咗好香又creamy嘅藍紋芝士，撈甜甜地嘅蜜糖芥末醬，配埋爽口嘅青蘋果，個味道真係幾豐富！
絕對唔係就咁沙律菜加啲醋主要係大大塊嘅生菜。
味道: 4.2/5
意式藍紋芝士及苦苣沙律配蜜糖芥末醬
58 views
1 likes
0 comments
.
♥ Pasta
✦ 意式南瓜松子意大利餃子配松露給鼠尾草奶油
超級好食嘅意大利餃子🥰🥰🥰！
一般嘅意大利餃子主要係芝士餡料，呢個搞搞新意思，用上綿滑超香甜嘅南瓜蓉做餡料，加入少少奶油，成個餡料好creamy好rich，香氣十足😋，推薦！
味道: 4.5/5
意式南瓜松子意大利餃子配松露給鼠尾草奶油
21 views
1 likes
0 comments
.
✦ 脆香法式燉醉雞柳配蘑菇 +$58
因為另一款唔需要加錢嘅主菜又係意大利粉，所以我哋就試吓加錢試吓佢哋嘅雞。
呢道雞有種法國fine dining嘅感覺，細細舊肉配上醬汁咁。
廚師抽取咗兩舊雞肉最滑嘅部份，外皮極度香脆，比起我喺Louise( 1 star Michelin)食到嘅更香脆🤩！
調味方面玩玩fusion，富有香濃花雕酒味，但又出乎意料地同佢蘑菇嘅醬汁幾夾💖。
味道: 4.4/5
脆香法式燉醉雞柳配蘑菇
65 views
1 likes
0 comments
.
整體性價比: 4/5
.
整體來講，食物嘅質素有驚喜，尤其想試吓魚子醬天使面嘅，呢間絕對係平平哋嘅好選擇💕內裏嘅裝修亦好靚，相信恢復晚市堂食、酒吧開放翻嘅時候會更加多人。唯一嘅小缺點係份量比較細，食完兩道菜之後女仔都應該唔夠飽，可能嗌埋甜品會好啲。
Post
