喜之次 (Closed)

老細唔係度幾個星期，一於日日long lunch，成班同事去食好西。位於新酒店，一至五樓新開都有野食，一於每日lunch 去試唔同款式。呢間餐廳要一早前兩日訂位，lunch 見非常爆滿。壽司吧有幾個位，然後有間食鐵板燒房，房內有兩張吧枱，每張坐七至八人，大玻璃望住維港對岸，燈光環境非常光猛，坐得非常舒服，staff 還非常頻密地fill茶。 午市餐大約$11x -$3xx 都有，仲有午餐set 冇加一，另外每個set 後都會有生果奉送的。這個食物質素，環境，服務，已經非常唔錯。點了壽喜燒，非常足料，一D都唔hea，湯味道不太濃又不太甜還有茶碗蒸及沙律及麵噌湯，之後仲有生果，不過個人認為如果係雪糕的話會更好。Lunch 又多個地方選擇。