八哥主題餐廳 (Closed)

約咗個好耐冇見既朋友，搵咗幾間比佢決定，就決定咗呢間。原本訂咗7:30, 但唔知乜嘢問題，係未夠7:20就收到通知話取消咗張枱，即刻打電話去確認，好彩仲有枱。去到行完樓梯上去之後先知有電梯既, 希望大家唔好好似我咁傻啦。我同朋友都唔係大食之人，叫咗個墨魚麵，沙律同兩杯嘢飲，之後繼續坐係到吹水，但又想搵d嘢咬，就叫咗薯條同墨魚咀，雖然都係炸嘢，但送酒真係唔錯既選擇。我最鍾意係佢個啤酒，因為係出面未見過，而且果香又唔會令啤酒怪怪咁。