口利福

Open Now

Now Closed

@theprivatemenu本身有啲怕去啲唔係太傳統嘅中式餐廳，覺得會容易中伏。個人覺得Black Sheep Restaurants 旗下嘅餐廳大部份都幾好，而呢間環境，食物同服務都唔錯，一定會再嚟。環境方面相信好多人都知道，係好有特色嘅中餐廳裝修，佈滿金色招財貓。服務一流，餐廳員工介紹嘅菜式都好食。酥炸魷魚嘅咖喱醬，好出色！我之後叫佢留返嗰醬喺到俾我哋點其他菜式嚟食🤣蟶子同蝦多士，我覺得還好，都好食，但唔一定要叫。我好鍾意個三杯汁炒三鮮，有鑊氣有風味！其實都幾大碟，但係我哋三個女仔食晒成碟，鍾意濃味嘢嘅人應該都會覺得好食！至於燒味其實有少少失望，睇openrice 好多人叫加上自己好鍾意食叉燒所以叫咗嚟試，下次我會skip燒味試吓其他嘢。最後個豆腐雪葩係一個刨冰，將所有材料一齊放入口，唔好分開食，我覺得全部材料都好夾！鍾意食甜嘢同豆腐味嘅話，會覺得呢個好啱口味！