Pho Bar (Closed)

今日返返公司返工，等放咗工就同一個同事去食晚飯，咁就係公司附近呢一間餐廳度食飯。 見到呢一間越南餐廳未食過，咁就試下因為本身自己都幾鍾意食河粉同一啲越南嘢食。 咁我哋叫咗以下:爆炸雞： 呢個爆炸雞我覺得呢個餐前小食真係幾好食，因為雞皮脆雞肉亦都幾嫩口，再配埋佢個三色醬，我覺得一個雞都有幾種唔同口味及層次， 真係幾得意 ，所以作為餐前小食我覺得呢個係推介。豬頸肉越南河: 呢個豬頸肉係我同事order嘅， 咁佢畀咗豬頸肉我試，咁我覺得個豬頸肉個味道亦都唔錯，同埋我覺得每一嚿肉都大大舊，而且味道濃沃調味得唔錯， 所以鍾意食豬嘅朋友唔可以錯過。生熟美國頂級牛肉粉:首先我哋要介紹呢度啲牛肉真係都幾大塊， 佢個牛整得鬆軟易入口&唔UN， 食到啲牛的原味道， 芽菜亦非常之爽，切片嘅洋蔥亦都好食。 加埋嗰個湯底真係feel very good！ 我知越南餐廳出名食越南河粉呢一個越南河粉大家真係可以試下，都算幾多料。最後如果大家行開中環呢頭，又鍾意食越南嘢可以試下呢間。