林洪記

Open Now

Now Closed

天氣開始凍啦，打邊爐亂下個身體就係最好嘅選擇。嚟到呢個位於長沙灣保安道熟食中心3樓嘅火鍋店，只需要$218就可以任食海鮮火鍋啦。一開頭佢會比一個好靚嘅海鮮拼盤你。食完呢先會叫其他嘢食嘅。咁介紹吓啲海鮮啦：鮑魚軟身彈牙有咬口，一啲都唔韌，好鬼正！聖子呢就好爽口，好有鮮味。石斑都幾新鮮， size中等。海蝦新鮮，肉殼分離。我就覺得呢個價錢食到咁嘅質素，就好抵食啦。然後呢我哋就叫咗炒肉蟹，呢個都幾推薦啦。好大舊蟹肉，有炒得幾香口。然後我最鍾意嘅任食海鮮係白貝細細隻就好鮮甜。佢鮮蝦滑或墨魚滑都好味㗎，西班牙黑豚肉唔錯，唔腥。最後就我哋食咗兩碟炸魚皮。同埋呢度嘅其實都係任飲㗎，有芬達雪碧可樂等等，好滿足呀。