有間本舖 (Closed)

係旺角行行下街聞到好香嘅蛋糕味，就係比呢間「有間本舖」吸引左～！行到過去就見到有好多蛋糕新鮮熱辣，岩岩出爐，咁緊係買返兩個返去試下啦！見到流心芝士味同綠茶紅豆味都勁吸引，就兩隻味都買晒！可以拎返屋企慢慢食！拎到返屋企仲暖暖地，即刻試下流心芝士味，入面d芝士仲係流心，同個蛋糕好夾，不知不覺食左大半個🙈🙈蛋糕上面仲有d芝士粒，都好好味呢！另外綠茶紅豆味，外表都好綠色，味道都有幾濃嘅綠茶味，入面仲有d紅豆，味道夾之餘仲加強口感！下次行過再買其他味試下先！