Lucky Ristorante (Closed)

❤️頭盤頭盤有三款，分別係焗芝士白松露薯蓉雙色磨菇，手作蟹餅配青瓜酱同埋香煎帶子配芒果莎莎，蘑菇味道好香濃，充滿黑松露味，超級惹味，而蟹餅就炸得好脆，好乾身，配青瓜醬感覺冇咁油膩，帶子亦都好新鮮，煎完都好鮮嫩，口感清新！🧡日式磯煮鮑魚冷豆腐沙律呢個成個擺碟都好靚，鮑魚原隻上，有啲三文魚子係上面，口感食到鮑魚嘅爽嫩，亦都食到三文魚子嘅鮮味，冷豆腐用麻醬去送，好清爽，再食埋啲沙律，一個好fresh嘅頭盤！💛慢煮西班牙黑毛豬肋骨配秘製BBQ醬汁豬肋骨有半條，燒得好香，BBQ汁嘅味滲晒落豬肋骨入邊，豬肉好嫩滑，完全唔會鞋口，再加埋好脆嘅薯格，超滿足！💚西班牙辣肉腸藏紅花忌廉意大利飯辣肉腸係炸脆咗，所以特別香口，意大利飯唔會好硬，軟硬度啱啱好，成個飯好cream，有啲藏紅花嘅清香，唔會太滯！