犇 (Closed)

禁堂食前，lunch要食好啲。黎左呢間剧扒，$188叫左個牛西冷配豆腐沙律，牛扒大大塊，叫左5成熟，平時外面有啲餐廳叫5成，佢會黎7成，呢度唔會🙂。貴野果然牛味勁啲，油脂較豐富，肉質比較淋。個豆腐沙律味道正常，沙律菜都幾新鮮。掛住食唔記得影相。另外仲叫左黑豬肉眼扒（$150），估唔到豬扒都會問幾多成熟，我哋㨂左9成。裡面有少少粉紅，我諗優質嘅豬肉，先可以㨂幾多成。食落唔似外面食豬扒咁好乾好硬，幾有驚喜。薯條炸到外脆內軟👍🏼👍🏼有水準。唔怕肥真係要一試。牛肩扒，$152，都唔錯，肉質較實，油脂比西冷扒少。食物唔錯，份量多，lunch性價比高！