Video
Read full review
2017-06-05
661 views
中午同同事嚟到casa group食晏，呀姐推介話呢度啲蠔好正，鮮味十足，某啲特選蠔中午仲有買一送一嘅優惠。我哋預先訂咗枱，嚟到就即刻有位座。呢度係樓上鋪，燈光昏暗，好啱lunch tim放鬆下傾下計的心情。我哋一行三人，叫左個set lunch，有齊湯丶前菜丶主菜丶甜品同餐品。另外，我地再叫左打半生蠔share。湯好有心思，有埋拉花，花紋好靚，見到紅菜頭湯嘅顏色都好吸引，未食，見到都開心！食落質感好creamy，本人就有啲食唔慣紅菜頭嘅味道，而味道對我黎講偏淡，但好適合平時食得清淡人仕。其實一般人飲都好好，個湯好健康👍🏼前菜我揀咗parma ham with melon，好啱香港人口味，個ham唔太鹹，仲有啲甘香，蜜瓜唔太甜，兩樣嘢都冇搶大家嘅味道，一啖蜜瓜同ham，好夾。另外試咗朋友叫嘅鵝肝配沙律，鵝肝肥美，沙律係黑醋做dressing，食落好清新，唔會好滯。生蠔喺度唔多講，主要都係侍應推介，每種叫左兩隻大家試吓。特別一提，我哋叫咗一人一隻南非生蠔(冇買一送一優惠)，係我食過最好味嘅生蠔！肉質肥美，有d海水味，感覺好fresh，少少creamy，aftertaste有回甘但又唔會太
呢度係樓上鋪，燈光昏暗，好啱lunch tim放鬆下傾下計的心情。我哋一行三人，叫左個set lunch，有齊湯丶前菜丶主菜丶甜品同餐品。另外，我地再叫左打半生蠔share。
湯好有心思，有埋拉花，花紋好靚，見到紅菜頭湯嘅顏色都好吸引，未食，見到都開心！食落質感好creamy，本人就有啲食唔慣紅菜頭嘅味道，而味道對我黎講偏淡，但好適合平時食得清淡人仕。其實一般人飲都好好，個湯好健康👍🏼
前菜我揀咗parma ham with melon，好啱香港人口味，個ham唔太鹹，仲有啲甘香，蜜瓜唔太甜，兩樣嘢都冇搶大家嘅味道，一啖蜜瓜同ham，好夾。
另外試咗朋友叫嘅鵝肝配沙律，鵝肝肥美，沙律係黑醋做dressing，食落好清新，唔會好滯。
生蠔喺度唔多講，主要都係侍應推介，每種叫左兩隻大家試吓。特別一提，我哋叫咗一人一隻南非生蠔(冇買一送一優惠)，係我食過最好味嘅生蠔！肉質肥美，有d海水味，感覺好fresh，少少creamy，aftertaste有回甘但又唔會太重好咸海水味，各方面都恰到好處。反而呢度嘅gilladeau(香港人最常食)比我預期中冇咁好食。當然，我都明白即使係同款嘅生蠔，唔同餐廳都有d唔同。
Main course揀左煎魚，呢個比到我好大驚喜！魚首先好滑身，一啲都唔鞋，然後因為連皮，魚油甘香味好重，仲一d都唔乾，仲好juicy，火候夠同到位，啱啱煮熟又唔會overcook左，個汁再更加畫龍點睛。唔好睇佢睇落好細份咁，成個set咁食晒都好飽。極力推介！
果日個甜品係macaron，餐飲我揀咗熱咖啡。呢兩樣就冇咩特別，都係滿意程度嘅質素。整體來講都幾鍾意呢間餐廳，下次會來試下食晚餐，試其他肉類！
Post